Shymkentte Dúnıejúzilik qorshaǵan ortany qorǵaý kúnine oraı "Birge taza Qazaqstan" akııasy dástúrli túrde bul jyly da óz jalǵasyn tapty.
Qorshaǵan ortanyń lastaný problemasyna, ólkemizdiń tabıǵatyn saqtaýdyń jáne ekologııalyq mádenıetti qalyptastyrýdyń mańyzdylyǵyna jurtshylyqtyń nazaryn aýdarýǵa múmkindik beretin bul is-sharaǵa Qarataý aýdanynyń turǵyndary belsene atsalysty.
500-ge tarta aýdan ákimdigi qyzmetkerleri men turǵyndary, áleýmettik nysan ıeleri aýmaqty qoqystan tazalady. Senbilikke 15 arnaıy tehnıka jumyldyryldy.
Turǵyndar úı aýlalaryn tazalap, jelden keıingi shashylǵan aǵash butalaryn jınady.
Shymkent qalasy ákimdiginiń baspasóz qyzmeti
