Şymkent qalasynyŋ Qalalyq orta sapasy jäne baqylau basqarmasynyŋ basşysy Ǧalymjan Ötenbaev qala äkımdıgınıŋ «Instagram» jäne Facebook paraqşasynda ötken tıkelei efirde 5 aida atqarylǧan jūmystardy baiandap, tūrǧyndar saualyna jauap berdı.
Basqarma basşysy lisenziialau jäne attestattau, memlekettık säulet-qūrylys inspeksiiasy, tūrǧyn üi qoryn kütıp ūstau jäne saqtau, jer inspeksiiasy boiynşa atqarylǧan jūmystardy qorytyndylady.
Ǧalymjan Ämırbekūlynyŋ aituynşa memlekettık säulet-qūrylys inspeksiia baǧytynda 19 qūrylys nysanyna qatysty tekseru taǧaiyndau turaly aktıler tırkelgen. Nätijesınde, 24 äkımşılık qūqyq būzuşylyq turaly hattamalar toltyrylǧan. 13 osyndai hattamalar Şymkent qalasynyŋ mamandandyrylǧan äkımşılık sotyna joldanyp, sot şeşımımen 480 AEK (1 400 160 teŋge) aiyppūl salyndy.
Basqarma tarapynan 16 nysanǧa kemşılıkterdı joiu turaly nūsqamalar tabystaldy. Onyŋ 6 nūsqamasy oryndalyp, anyqtalǧan kemşılıkter joiyldy.
– Basqarmamen qala aumaǧyndaǧy qūrylys-montajdau jūmystaryna tūraqty monitoring jürgızılude. Bölım qyzmetkerlerı jeke dara tört audanǧa bekıtılgen. Qala tūrǧyndaryn qūrylysty bastar aldynda qūrylys prosesıne jäne obektılerdı paidalanuǧa qabyldau jäne ıske qosu tärtıbıne qoiylatyn negızgı talaptardy saqtauǧa, jerdı belgılı maqsatqa säikes paidalanuǧa, köpqabatty tūrǧyn üilerge mülık ielerınıŋ bırlestıgın (MİB) nemese jäi serıktestıktı (JS) taŋdauǧa, tūrmystyq jäne kommunaldyq-tūrmystyq tūtynuşylardyŋ gaz tūtynu jüielerın jäne gaz jabdyǧyn paidalanu qauıpsızdıgın saqtauǧa şaqyramyn, – dedı basqarma basşysy.
Jalpy tıkelei efirge 600-den astam qala tūrǧyny qosyldy. Tūrǧyndar tarapynan qoiylǧan saualdarǧa tolyqqandy jauap berıldı.
Şymkent qalasy äkımdıgınıŋ baspasöz qyzmetı
