Olimpiada oiyndary - būl ülken sporttyq jarys. Kez kelgen sportşy osy jarysqa qatysyp, jüldelı orynǧa ie boludy armandaidy. 4 jylda bır keletın jarysqa qatysu sportşy üşın ülken jauapkerşılık pen eŋbektı qajet etedı. Ūiqysyz tünder men emosiialyq küizelıster soŋy jeŋıs alyp keledı.⠀
Qazaqstandyq mergender 26 şılde men 6 tamyz aralyǧynda Tokio qalasynda (Japoniia) ötetın XXXII jazǧy Olimpiada oiyndaryna qatysuǧa 3 olimpiadalyq kvotany jeŋıp aldy. Üş kvota da Şymkenttıŋ ülesıne tidı.
⠀
Bırınşı olimpiada lisenziiasyn stend atudan QR halyqaralyq därejedegı sport şeberı Särsenkül Rysbekova jeŋıp aldy. Ol 2019 jyly XIV Aziia chempionatynda (Katar) komandalyq esepte altyn medaldı ielendı, jeke esepte 2-orynǧa qol jetkızdı.
⠀
Ekınşı olimpiadalyq lisenziiany oq atudan QR halyqaralyq därejedegı sport şeberı Iýrii Iýrkov aldy. Lisenziialyq XIV Aziia chempionatynda (Katar) finalǧa tüsıp, finalda Iýrii 6-orynǧa ie bolǧan. Qorytynysynda lisenziiasy joq sportşylardy ainalyp ötıp, olimpiadalyq lisenziiaǧa qol jetkızdı.
⠀
Üşınşı olimpiadalyq lisenziia Zoia Kravchenkoǧa tiesılı. Sportşy stend atu boiynşa QR halyqaralyq därejedegı sport şeberı bolyp tabylady. Zoia olimpiadalyq lisenziiany reitingtık esepte jeŋıp aldy. Bır jyl ışınde sportşy eŋ joǧary nätije körsetken. Halyqaralyq sporttyq atu federasiiasynyŋ (ISSF) şeşımımen Zoia Kravchenkoǧa Olimpiada oiyndaryna qatysuǧa kvota bölındı.
⠀
Jalpy Şymkent qalasynyŋ qorjynynda 6 olimpiadalyq lisenziia bar, onyŋ 3-euı mergender ülesınde bolyp otyr.
Şymkent qalasy äkımdıgınıŋ baspasöz qyzmetı
