Türmege tyiym salynǧan zattardy ötkızbek bolǧan qyzylordalyq jük tasymaldauşy ūstaldy, dep habarlaidy «Adyrna» tılşısı Qyzylorda oblysy boiynşa QAJD-ǧa sılteme jasap.
9 şıldede Qyzylorda oblysy boiynşa QAJ departamentıne qarasty ZK-169/5 mekemesınıŋ qyzmetkerlerımen mekemege ötpek bolǧan KamAZ jük kölıgındegı sement salynǧan qaptardy tekseru barysynda sottalǧandardyŋ paidalanuy men qoldanyluyna tyiym salynǧan zattar anyqtalǧan.
«Jedel türde “102” nömırıne habarlanyp, mekemege Qyzylorda qalalyq Polisiia basqarmasynyŋ jedel-tergeu toby şaqyrtyldy. Jük kölıgındegı 196 qap sementtıŋ jetı qabynan 10 jäne 20 gramdyq şpriske nyǧyzdalyp salynǧan 63 dana “özıne tän erekşe isı bar şöp tektes” zatty, 43 dana ūialy telefon, 14 dana qūlaqqap, 33 dana zariadtau qūrylǧysy, 13 dana SIM-karta, 12 dana nasybai, 10 dana oiyn kartasy jäne üş litr spirttık ışımdık tärkılenıp alyndy»,– delıngen habarlamada.Tärkılengen zattar boiynşa sot saraptama jūmystary taǧaiyndaldy. Atalǧan derek boiynşa Qazaqstan Respublikasy QK-nıŋ 297-babynyŋ 1-bölıgımen sotqa deiıngı tergep-tekseru amaldary jürgızılude.
«Adyrna» ūlttyq portaly
