Qazaqstandyq saıasatker Ámirjan Qosanov óziniń Facebook paraqshasynda úkimetke qatysty pikir bildirdi, dep habarlaıdy "Adyrna" tilshisi.
«ÓRT SÓNDIRÝShILER» KOMANDASY ORNYNDA QALDY" dep bastady ol óz jazbasyn. Onda:
"Úkimettiń prezıdent qastysqan keńeıtilgen otyrysyna qatysty birer oı
Bizdiń úkimet «órt sóndirýshiler» komandasy sııaqty. Búgin pandemııa men qýańshylyq. Erteń taǵy bir problema paıda bolar, solardyń sońynda dalaqtap, halyqtyń aqshasyn sýdaı shashyp, júgire beredi!
Pandemııany bilmeımin, biraq jurtty jalmap bara jatqan sumdyq qymbatshylyqty, elimizdiń túkpir-túkpirinde bop jatqan qurǵaqshylyq pen mal azyǵynyń azaıý múmkindigin aldyn-ala boljaýǵa bolatyn edi ǵoı? Álde bizdiń mınıstrler monıtorıng pen boljaý degendi bilmeı me? Bıliktiń strategııalyq zertteý, boljaý, kúni buryn qamdaný ınstıtýttary qaıda?
Ókinishke oraı, jyl ótken saıyn prezıdent te osy úrdistiń sońynda ketip barady. Iaǵnı, qordalanǵan máselelerdi ataıdy, biraq onyń bárin sheshýdi jaǵdaıdy osyndaı masqaraǵa jetkizgen sol úkimetten qaıtadan talap etedi. Nonsens!
Bar kináni bir mınıstrge artty da, ony jumystan shyǵaryp jiberdi. Endi ol mınıstr ketken soń sý qaıtyp kele me? Dárııa tola ma? Maldyń jemi kóbeıe me? Azyq-túlik baǵasy arzandaı ma? Qaıdam...
Saıasattanýda «qoǵam temperatýrasy» degen uǵym bar. Óziniń bolashaǵyn oılaıtyn kez kelgen bılik sonymen sanasyp, ol temperatýrany sezetinin arakidik bildirip túrýy tıis. Áıtpese, saıası bankrot bolady.
Búgingi úkimet otyrysynan men qoǵam temperatýrasyn sezbedim.
Biraq bir nárse ańǵardym. Ózi kóńili tolmaıtyn mınıstrlerdi otstavkaǵa jibergisi kelse de, jibere almaıtyn, sharasyz prezıdentti kórdim..." dep jazdy Qosanov.
"Adyrna" ulttyq portaly
