Şymkent qalasyndaǧy maŋyzdy nysandardyŋ bırı – Respublika daŋǧyly. Būl - kölık aǧynynyŋ qarqyndylyǧyna jäne qalany özge eldı-mekendermen bırıktıretındıgıne bailanysty qalamyzdyŋ basty magistraldy köşesınıŋ bırı bolyp tabylady.
Atalǧan köşe boiynşa ortaşa jöndeu jūmystary 2020-2021 jyldar aralyǧyna josparlanǧan. Şymkent qalasynyŋ oŋtüstık qaqpasy sanalatyn būl daŋǧyldyŋ qūrylys jūmystary «Korporasiia Bereke-A» JŞS-gıne jüktelgen jäne tehnikalyq qadaǧalauşy «Arman Stroi Holding» JŞS-gı.
Respublika daŋǧylynyŋ jalpy ūzyndyǧy tört jolaqty 5,3 şaqyrymdy qūrasa, al joldyŋ enı 28 metrdı qūraidy. Bügınde köşenıŋ bölu jolaǧynyŋ bır şetıne su qaşyrǧyş qūbyrlar, al ekınşı jaǧyna lotok ornatylyp jatyr. Sonymen bırge, enı 2,25m jaiau jürgınşıler joly salynǧan.
Sondai-aq, qūbyr üstınen B.Momyşūly köşesınen jer asty ötkelıne («Kolos» aialdamasyna) deiın velojol qarastyrylǧan, asfalt qūbyr arqyly lotokqa baratyndai etıp töselgen. Aita ketu kerek, būl jüie būǧan deiın A.Baitūrsynov köşesınde tekserılgen bolatyn. Joldyŋ tömeŋgı tüzetu qalyŋdyǧy 9sm, al asfalt betonnyŋ betkı qabaty 5sm qūraidy.
Būl jūmystardy 2021 jyldyŋ qyrküiek aiynda aiaqtau josparlanyp otyr.
Şymkent qalasy äkımdıgınıŋ baspasöz qyzmetı
