Aqtöbede qazaqtyŋ aty aŋyzǧa ainalǧan baluany Qajymūqan Mūŋaitpasūlynyŋ 150 jyldyq mereitoiyna orai "Batyrs Battle" sporttyq saiysy öttı dep habarlaidy "Adyrna" ūlttyq portalynyŋ tılşısı.
Şarany respublikalyq "Qazaqstandyq sportşylar odaǧy" ūiymdastyrdy. Al baǧdarlama "Sättı Jūldyz" AQ jäne "Sportqory" qarjylyq qoldauymen jüzege asty. Jobanyŋ avtory — QR Mädeniet jäne sport ministrlıgınıŋ ambassadory, küş qoldanylatyn sport türlerınen 4 dürkın rekordsmen Sergei Syrulnikov.
Şaraǧa qonaq retınde zıltemırşı, bırneşe dürkın Älem chempiony İlia İlin jäne bokstan Älem jäne Aziia chempiony Galib Djafarov qatysty.«Jekpe-jek» sport saraiynda ötken saiysqa Aqtöbe oblysynan 8 sportşy qatysty. Olar 60-90 kelı qapty biıkke köteru, metall şybyqty maiystyru, börene, tas köteru, beldesu boiynşa synǧa tüstı. Nätijesınde Sergei Goncharov jeŋımpaz atandy. Al II oryndy Dmitrii Emelianov, III oryndy Tölegen Äljanov ielendı.
Üzdık atanǧan Sergei Goncharov alda Nūr-Sūltan qalasynda ötetın respublikalyq jarysta Aqtöbenıŋ namysyn qorǧaityn bolady.— «Batyrs Battle» saiysy būǧan deiın Öskemen qalasynda ūiymdastyryldy. Endı Aqtöbemen qatar mūndai şara elımızdıŋ Türkıstan jäne Nūr-Sūltan qalalarynda ötedı. Qajymūqan babamyz — kürestıŋ bırneşe türınen älem chempiony atanǧan qazaqtan şyqqan tūŋǧyş küş iesı. Sondyqtan bügıngı şara Qajymūqan, Baluan Şolaq babalarymyzdyŋ jattyǧu ürdısın jalǧap, halyq arasynda keŋınen nasihattau üşın ötkızılıp otyr, — deidı respublikalyq «Qazaqstannyŋ sportşylar odaǧy» qoǧamdyq bırlestıgınıŋ töraǧasy Azamat Qarlyǧaşov. Al zıltemırşı, bırneşe dürkın Älem chempiony İlia İlinnıŋ aituynşa, mūndai şaranyŋ elımızde, onyŋ ışınde Aqtöbe öŋırınde ūiymdastyryluy — öte quantarlyq jaǧdai. Būl bastamany kötergen aqtöbelıkterdıŋ belsendılıgıne söz joq.
"Adyrna" ūlttyq portaly.
