Şymkent qalasynyŋ äkımı Mūrat Äitenov qalany körıktendıru jäne kütıp-ūstau jūmystarynyŋ barysymen tanysty. Şymkent qalasynyŋ qalalyq jaily ortany damytu basqarmasynyŋ jäne audan äkımderınıŋ atqarylǧan jūmystary baiandaldy.
Şymkent qalasynyŋ qalalyq jaily ortany damytu basqarmasynyŋ teŋgerımınde bügınde 8 saiabaq, 39 gülzarlar men alleialar, 50 eskertkış bar.
8 saiabaq, 39 gülzardy kütıp-ūstau jūmystaryna jauapty merdıger mekeme - «Build Stroy» JŞS. Al 50 eskertkıştı kütıp-ūstau – merdıger mekeme «MramorGranitTas» JŞS-na jüktelgen. 37 subūrqaq jäne 44 ūŋǧymany kütıp-ūstau jūmystaryn merdıger mekeme «Primer Stroi» JŞS atqaruda.
Qazırgı taŋda jalpy 3 mekenjaidaǧy subūrqaqtar, iaǧni, Arbat saiabaǧyndaǧy 7 subūrqaq, Asar şaǧynaudanynda 1 subūrqaq, äuejai maŋynda 2 subūrqaq su aidaǧyş qūrylǧylarynyŋ (nasos) bolmauyna bailanysty jūmys ıstemei tūr.
Atalǧan jauapty merdıger mekemeler 8 saiabaq pen 39 gülzardyŋ aumaǧynda sanitarlyq-tazalyq jūmystaryn tūraqty türde jürgızıp keledı. Sonymen bırge, kündelıktı kül-qoqystan, quraǧan aǧaştardan, şöpterden tazartu, tarihi-mädeni eskertkışter aumaǧyn sürtıp-tazalau, synǧan mramor tastaryn qalpyna keltıru jūmystaryn atqaruda.
Aita keteiık, basqarma teŋgerımıne Samal jäne Qasıret şatqaly da kıredı. Ekı şatqaldyŋ elektr jaryǧy osy jyldyŋ mausym aiynyŋ basynda qaita qosyldy.
Qala äkımı şaharda kögaldandyru, kütıp-ūstau jūmystaryn jüieleu qajettıgın, būl baǧyttaǧy jūmystardy ret-retımen josparly türde atqaru kerektıgın atap öttı.
Audan äkımdıkterı ärbır şarşy metr aumaqtyŋ kütımıne jauapty ekenın alǧa tartty.
Şymkent qalasy äkımdıgınıŋ baspasöz qyzmetı
