Eŋbek jäne halyqty äleumettık qorǧau ministrı Serık Şapkenov koronavirusqa qarsy vaksina saldyrudan bas tartqany üşın qazaqstandyqtardy jūmystan bosatuy nemese jūmystan şettetuı mümkın be degen sūraqqa jauap berdı, dep habarlaidy «Adyrna» ūlttyq portaly Tengrinews.kz saityna sılteme jasap.
Ministr «Aşyq dialog» eGov portalynda qazaqstandyqtardyŋ sūraqtaryna jauap berdı. Onyŋ aituynşa, «Halyq densaulyǧy jäne densaulyq saqtau jüiesı turaly» kodekstıŋ 77-babyna säikes, kez kelgen medisinalyq räsım, onyŋ ışınde vaksina da ekpe aluşynyŋ kelısımı arqyly ǧana jürgızıledı. Vaksinasiiadan bas tartqany üşın äkımşılık nemese qylmystyq jauapkerşılık zaŋnamada közdelmegen.
Alaida densaulyq turaly kodekstıŋ 104-baby 1-tarmaǧyna säikes Qazaqstan aumaǧyna infeksiialyq jäne parazittık auru äkelınuı nemese eldıŋ bükıl aumaǧyna taralu qaupı töngen jaǧdaida eldıŋ bas sanitariia därıgerı şekteu şaralaryn, onyŋ ışınde käsıpkerlık jäne özge de qyzmetke karantin engızedı.
«Osyǧan bailanysty, Qazaqstannyŋ bas sanitariia därıgerı tiıstı qaulylar qabyldaidy. Bas därıgerdıŋ №67 qaulysynyŋ 6-1 tarmaǧyna säikes: - qaulyda körsetılgen ūiymdar men nysandardyŋ COVID-19-ǧa qarsy vaksina saldyrmaǧan qyzmetkerlerın kündızgı rejimde jūmys ısteuın şekteu. - bırınşı tarmaqşada körsetılgen ūiymdardyŋ vaksina almaǧan qyzmetkerlerı üşın mındettı PTR-synama 7 künde bır ret jürgızıledı. Erekşe jaǧdai boiynşa vaksinasiiaǧa medisinalyq qarsy körsetılımı bar adamdar, sondai-aq soŋǧy üş aida koronavirus jūqtyryp, auyrǧan kıredı», - dep tüsındırdı ministr.Onyŋ aituynşa, jūmys beruşı: - eger mümkındık bolsa, COVID-19-ǧa qarsy vaksinasiia almaǧan qyzmetkerdı qaşyqtan jūmys ısteu formatyna auysudy ūsynyǧa; - qaşyqtan jūmys ısteuden bas tartqan ne jūmysty qaşyqtan oryndau mümkındıgı bolmaǧan kezde qyzmetkerdı Eŋbek kodeksınıŋ 48-baby 1-tarmaǧyna säikes jalaqysyn saqtamai şettetuge qūqyly. Būl rette jūmys beruşı uaqytşa bolmaǧan qyzmetker mındetterın oryndau üşın basqa qyzmetkerdı qabyldauǧa qūqyly; - jūmysty qaşyqtan oryndau mümkındıgı bolmaǧan jaǧdaida jäne qyzmetker kündızgı rejimde jūmys ıstegısı kelse, qyzmetker öz esebınen mındettı PTR-synama ötuı kerek. Ministr taraptardyŋ kelısımı boiynşa mındettı PTR-synama jūmys beruşınıŋ qarajaty esebınen jüzege asyryluy mümkın ekenın aitty.
«Osylaişa, vaksinasiiadan bas tartuyna bailanysty jūmys beruşınıŋ qyzmetkerdı jūmystan şyǧaruǧa qūqyǧy joq. Sonymen qatar, qyzmetkerler özderınıŋ eŋbek qūqyqtaryn qorǧau üşın jūmys beruşınıŋ ornalasqan jerı boiynşa tiıstı äkımşılık-aumaqtyq bırlıktıŋ eŋbek inspeksiiasy jönındegı basqarmasyna ötınış beruge qūqyly», - dep tolyqtyrdy ministr.Aita keteiık, 2 şıldeden bastap barlyq qyzmetkerı vaksina saldyruy kerek nysandardyŋ keŋeitılgen tızımı küşıne endı. Tızbege bazarlar, sūlulyq salondary, dämhanalar, meiramhanalar, qyzmet körsetu nysandary jäne halyq jappai baratyn basqa da oryndar kırgen.
"Adyrna" ūlttyq portaly
