Türkımenstanda mūǧalım 19 jastaǧy qyzdy öltırdı degen küdıkke ılındı, dep habarlaidy «Adyrna» ūlttyq portaly KTK arnasyna sılteme jasap.
Täuelsız Turkmen.news basylymy 12 şıldede Daşoguz qalasynda 19 jastaǧy qyzdy körşısı öltırgenın jazdy. Būl mälımettı Azattyqtyŋ türkımen qyzmetınıŋ Daşoguzdaǧy tılşısı de rastady. Aqparatqa qaraǧanda, qyzdy öltıruge Daşoguz qalasynyŋ №6 mektebınıŋ dene şynyqtyru pänı mūǧalımı küdıkke ılıngen. Ol körşısınıŋ üiıne ūrlyq jasamaq bolǧan. Üide medinstituttyŋ 1-kursyn aiaqtap, demaluǧa kelgen qyzy bolǧan.
Küdıktı ūrlyq jasau kezınde qyzdy körıp qalyp, ony baltamen ūrǧan. Polisiia küdıktını qamauǧa alǧan. Ol körşısınıŋ üiınen seif ūrlamaq bolǧan. Qyzdy öltırgenın moiyndaǧan.
"Adyrna" ūlttyq portaly
