Jelıde qazaqstandyq üş qyzdyŋ Ystanbūldaǧy meiramhanalardyŋ bırınde töbeles ortasynda jürgen videosy tarady.
Videoda bırneşe er adamdyŋ qyzdyŋ şaşynan süirep, syrtqa şyǧaryp jatqany tüsırılgen. Türık basylymdarynyŋ habarlauynşa, keiın qazaqstandyq boijetken qamauǧa alyndy, dep habarlaidy «Adyrna» ūlttyq portaly Sputnik Qazaqstan saityna sılteme jasap.
Türkiianyŋ Milliyet basylymynyŋ habarlauynşa, oqiǧa bolǧan künı qazaqstandyq qyz ben onyŋ advokaty resmi mälımdeme jasady. Boijetkennıŋ sözınşe, ol qūrbysy Ūlbolsyn Malǧajarovamen bırge ol jerge köŋıl köteru üşın barǧan. Alaida olardy jeŋıl jürıstı qyz dep oilaǧan meiramhana qyzmetkerı qyzdardyŋ telefon nömırın sūraǧan. Alaida qyzdar nömırın beruden bas tartqan.
«Ol qūrbymnyŋ basynan ūryp, sodan keiın ışke alyp ketıp, ūryp-soǧa bastady. Men polisiianyŋ nömırın terıp, olarǧa telefonymdy körsettım. Sodan keiın olar menı de ūra bastady. Qūrbymnyŋ şaşynan tartty, ekınşısı auzyn aşuǧa tyrysty, sodan keiın qūrbym amalsyz onyŋ qolyn tıstep aldy», - deidı boijetken.Sodan keiın Türkiiada aspaz bolyp jūmys ısteitın Ūlbolsyn Malǧajarovany polisiia alyp ketıp, qamaǧan. Onyŋ advokaty Nebikan Orhan sotqa aqparat pen videony jinap, qamaudan bosatudy sūrady.
«Klientım qamauda otyr. Olar 3-4 ret telefon sūraǧan, soǧan bailanysty janjal şyqqan. Därethanaǧa bara jatqanda taǧy da nömırın sūraǧan. Qyz sol kezde şaǧym tüsıremın dep telefonyn şyǧarǧan, ol telefonyn tartyp alǧan. Videoda bır er adamnyŋ menıŋ klientımnıŋ şaşynan ūstap tūrǧany, al ekınşı küzetşı ekı qolyn auzyna salǧany tüsırılgen. Qazır qamauda otyrǧanyna bailanysty şaǧym tüsırdık, mümkındık bola salysymen bosatady dep ümıttenemız», - dedı avdokat Nebikan Orhan.Al Qazaqstannyŋ Türkiiadaǧy tötenşe jäne ökılettı elşısı Abzal Saparbekūly jaǧdaiǧa bailanysty pıkır bıldırdı. Onyŋ sözınşe, mäsele boiynşa Qazaqstannyŋ Ystanbūldaǧy Bas konsuldyǧy ainalysyp jatyr.
«Bızge azamattarymyzdan şaǧym tüspese de, jäbır körgen qyzdarymyzdy ızdep taptyq. Qamaudaǧy azamat boiynşa konsuldyq kömek körsetıp jatyr. Ystanbūl qalasy ışkı ıster basqarmasy basşysy jäne oqiǧa bolǧan audandyq ışkı ıster basşysyna mäselenıŋ ädıl qarastyryluy boiynşa talap jetkızıldı. Azamattarymyzdyŋ qūqyǧyn qorǧau jūmystary jürgızılude», - dep jazdy Saparbekūly.«Ärine kınäsı bar-joq ekenıne qaramastan qyz balaǧa mūndai zorlyq-zombylyq üşın ökınış bıldırıp jatqan türık aǧaiyndar da öte köp. Sabyr saqtap, jekelegen adamdardyŋ äreketı üşın bükıl halyqty aiyptaudan aulaq bolaiyq», - dep jazdy Qazaqstannyŋ Türkiiadaǧy elşısı.
"Adyrna" ūlttyq portaly
