AQSh-ta atý, qasaqana zııan keltirý derekteri kóbeıgen. Sonyń saldarynan Nıý-Iork gýbernatory ótken aptada tótenshe jaǵdaı jarııalaǵan dep habarlaıdy "Adyrna" ulttyq portaly "24.kz-ke" silteme jasap.
Bıyl jyl basynan beri AQSh-ta 24 myńnan astam atys oqıǵasy tirkelipti. Qylmystyń bul túri kúnnen-kúnge órship barady.
Osy aptada Nıý-Iorktyń Bronks aýdanynda taǵy bir jantúrshigerlik oqıǵa boldy. Belgisiz bireýler túski saǵat úshterdiń shamasynda 13 jasar jasóspirimge tapanshadan oq atyp, birneshe jerinen jaraqattaǵan. Jergilikti qylmystyq toptyń qurbanyna aınalǵan qyrshyndaı jas aýrýhanaǵa jetpesten qaıtys bolǵan.
Jergilikti polıııa basqarmasynyń málimetinshe, jyl basynan beri bul qalada 803 atys oqıǵasy tirkelip, saldarynan 931 adam zardap shekti. Atys qarýymen jasalatyn qylmystyń kúrt ósýine baılanysty Nıý-Iork gýbernatory Endrıý Kýomo shtat aýmaǵynda tótenshe jaǵdaı jarııalady.
– Biz kovıd epıdemııasyn jeńgendeı bolyp edik, endi mine taǵy bir epıdemııaǵa tap bolyp otyrmyz. Ol qarý-jaraqpen jasalyp jatqan qylmys epıdemııasy. Saldarynan halyq jumysqa barýǵa jáne kóshege shyǵýǵa qorqyp otyr. Bul máseleni birigip sheshýimiz kerek, — deıdi Nıý-ıork shtatynyń gýbernatory Endrıý Kýomo.
Shtat basshysy atalǵan problemany sheshý jolyna 139 mln dollar bólinetinin málimdedi. Sonymen qatar qosymsha 21 myń jańa jumys kúshi tartylatyny belgili boldy. Alaıda máseleniń tórkini qarjylandyrý men jumys kúshiniń jetispeýshiliginde emes, júıeli reformalardyń júrgizilmeýinde deıdi táýelsiz sarapshylar.
Resmı derek boıynsha, jyl saıyn qarýdan 40 myńǵa jýyq amerıkalyq qaıtys bolady. Arasynda kámeletke tolmaǵandar da bar. Ásirese latyn jáne qara násildiler turatyn aýdandaǵy balalardyń atys qurbany bolýy aq amerıkalyqtarmen salystyrǵanda 10 ese joǵary eken. Bul bir ǵana gýbernatordyń emes, tutas Kongrestiń alańdaıtyn máselesi bolyp otyr.
"Adyrna" ulttyq portaly.
