Almaty Äuejaiynyŋ ekı qyzmetkerı terıs PTR synaqtaryn jasaǧany üşın ūstaldy, dep habarlaidy «Adyrna» tılşısı Polisia.kz-ke sılteme jasap.
Almaty qalasynyŋ halyqaralyq äuejaiynyŋ aumaǧynda jürgızılgen jedel-ızdestıru ıs-şaralary barysynda Ekstremizmge qarsy küres basqarmasy, Almaty qalasy PD Kriminaldyq polisiia Basqarmasynyŋ qyzmetkerlerı Almaty qalasy boiynşa ŪQKD bırge, 1992 jyly tuǧan J.esımdı azamatty jäne 1993 jylǧy İ.esımdı azamatty ūstady. Belgılı bolǧandai, qamauǧa alynǧandar şetelge şyqqandar üşın terıs PTR-synaqtaryn jasaǧan, barlyǧy şamamen 15-20 anyqtama satyldy. Olar PTR synaqtaryn ūialy telefondaǧy arnaiy qosymşa arqyly özderı jasady. Qyzmetkerler klienttıŋ jeke derekterı men anyqtamanyŋ berılgen künın tüzetken, keiınnen zaŋsyz äreketke barǧan äue kompaniialardyŋ ökılderı jolauşylardy ūşaqqa otyrǧyzuǧa jıberdı. Alynǧan qarajat özderı men äue kompaniialarynyŋ ökılderı arasynda bölındı.
– Qazırgı uaqytta jedel-tergeu ıs-şaralarynyŋ keşenı jürgızılude, qamauǧa alynǧandardyŋ osyǧan ūqsas terıs PTR synaqtaryn jasaǧan faktılerge qatystylyǧy anyqtaluda. Tiıstı saraptamalar taǧaiyndaldy. “Satuşylar”, QR Qylmystyq ıs jürgızu kodeksınıŋ 128 babyna säikes uaqytşa ūstau izoliatoryna qamaldy, – dedı vedomstvada.
«Adyrna» ūlttyq portaly
