Prezident Qasym-Jomart Toqaev ükımetke Qazaqstanda koronavirusqa qarsy küres boiynşa jedel jospar qūruǧa jäne vaksina alǧan adamdar sanyn köbeituge bır ai uaqyt berdı, - dep habarlaidy “Adyrna” ūlttyq portaly Aqordaǧa sılteme jasap.
"Bügın köterılgen barlyq mäsele ükımettıŋ erekşe baqylauynda boluy tiıs. Jedel ıs-qimyldyŋ naqty jospary qajet. Qabyldanǧan şaralar turaly bır ai merzımde baiandama jasaudy sūraimyn", - dedı Toqaev.Toqaev premer-ministr, vedomstvo basşylary, qala men oblys äkımderı qatysqan jūmys keŋesınde koronaviruspen küres, antivakserler problemasy, öŋırlık auruhanalardyŋ tömen deŋgeide jaraqtanuy, karantin rejimın būzatyn adamdardyŋ jazasyz qaluy, sondai-aq, vaksinasiia pasporttaryn qoldan jasau jäne PTR-taldaular mäselesın köterdı. Memleket basşysy Qazaqstandaǧy epidahual naşarlap bara jatqanyn aitty. Sonymen qatar, Prezident Qazaqstannyŋ keibır aimaǧynda koronavirusqa qarsy vaksina dūrys saqtalmaǧanyn, saldarynan preparat tiımdılıgı tömendegenın atap öttı. Ol vaksinamen az qamtylǧan öŋırlerge kömek körsetu üşın köşpelı brigadalar qūrudy tapsyrdy. Sondai-aq, Qasym-Jomart Toqaev qazaqstandyqtardy jaqyndarynyŋ amandyǧyn oilauǧa şaqyrdy.
