Bügın 13 jeltoqsan - Qazaq tarihyndaǧy Ūly Kün – «ALAŞ ORDA» Ükımetınıŋ qūrylǧan künı!
«ALAŞYMNYŊ» TUǦAN KÜNI TUǦAN OI...
Qazaǧymnan şyqqan kıleŋ tūnyǧym,
«Alaş orda» - «Täuelsızdık» bır ūǧym!
Tura osydan 100 jyl būryn qūrylǧan
«Alaş orda» Ükımetı – Ūly Kün!
Nesıne aiyp, bügın ūltym jas alsa,
Qiyndyqtan bır qadam da asa alsa,
Älihandai, Ahmet pen Mırjaqyp,
Halel, Mūhamedjan, JaHanşa...
Aita bersem, ūly esım bar jüzdegen,
Ūly dala tösınen köp ız körem.
Nege küptı, qairan köŋıl sonşalyq,
Bügıngı ūrpaq ūlylaryn ızdegen?..
Asty ma elım, asu, asu asqardan,
Öksık qysyp, nege közden jas tamǧan?
Taza Qazaq memleketı bastauy -
Negızınen «Alaşymnan» bastalǧan.
Qairan ūltym, būza almady bögettı,
Qairan ūrpaq, közdıŋ jasyn köl ettı...
Ana kıleŋ qanışerler qyp-qyzyl,
Ūlt ūldaryn atyp, asyp, joq ettı...
Tūtastai ūlt - tūǧyryna qona almai,
Şirek ǧasyr - elım nege tonaldy-ai?
Al, bügıngı «Qazaqstan» Täuelsız -
Sol «Alaştai» kele me özı bola almai?
Bügın kımmın, al ol kezde kım edım?
«Alaşymdai», qaida sol bır tıregım?
Şynymdy aitsam, şirek ǧasyr ūiqy joq,
Mūny oilasam, qan jylaidy jüregım...
JELTOQSAN jäne QAZAQ ARULARY!..
...Jauyzdarǧa qarsy tūryp erlegen,
Ūlt namysyn qoldarynan bermegen,
JELTOQSANDA: qyzdarymyz boiynan
Qaitpas qaisar öjettıktı körgen em...
Qanşa qatty soqsa-daǧy dauyl bar,
Qazaǧy üşın otqa tüsken bauyrlar.
JELTOQSANDA: Qazaq Qyzy atyna
Laiyq bolǧan bızdıŋ qairan arular.
Tüsınıktı, Ūltty kımder jylatty,
Tüsınıktı, onda kımdı kımı atty...
JELTOQSANDA: Qazaq Qyzy alaŋda
Erlık etken has batyrlar siiaqty.
Al, analar «byldyr-şüldır» şatty ma,
Solarymen Mäskeu jaqqa jaqty ma?
Qazaq Qyzy - qyzyl güldei qyrmyzy,
Tas alaŋda qan-qan bolyp jatty ma?..
Artta qaldy qanşa jyldar, belester,
Sol surettı şyǧara alman men esten...
Är Köktemde qyrdyŋ qyzyl gülderın,
Körgen saiyn sol Arular elester.
Kım aita alar, Taǧdyr Joly, tar ma eken?
Sol alaŋda jatqan älı qan ba eken?..
Sol kezdegı Qazaq Qyzy Namysy,
Al, bügıngı arular da bar ma eken?..
Jūmaş Kenebai
Abai.kz
