Qýat Áýesbaı Bas redaktorlar klýbynyń vıe-prezıdenti bolyp saılandy

1949
Adyrna.kz Telegram

Belgili jýrnalıst, Túrkistan halyqaralyq gazetiniń bas redaktory Qýat Áýesbaı «Bas redaktorlar klýby» qoǵamdyq birlestiginiń vıe-prezıdenti bolyp saılandy. Mundaı sheshim klýb músheleriniń basqosýynda qabyldandy.

Basqosýǵa Bas redaktorlar klýbynyń prezıdenti Bıbigúl Jeksenbaı, vıe-prezıdent Muratbek Toqtaǵazın, atqarýshy dırektor Ásem Esilbaeva, klýb múshesi «Bilimdi el» respýblıkalyq gazetiniń bas redaktory Lázzat Túrkistanova qatysty.

Klýbtyń pandemııa jaǵdaıynda atqarǵan jumysy men uıymdastyrǵan is-sharalary týraly atqarýshy dırektor Á.Esilbaeva baıandady. Budan keıin Bas redaktorlar klýbynyń prezıdenti Bıbigúl Jeksenbaı belgili jýrnalıst, respýblıkalyq Sport gazetiniń bas redaktory, klýbtyń vıe-prezıdenti bolǵan, bıyl dúnıeden ótken Dúráli Dúısebaıdy eske alyp, qalamgerdiń atqarǵan jumysy, jalpy qazaq jýrnalıstıkasyna sińirgen eńbegi eleýli ekenin aıtty.

Budan keıin Bıbigúl Nurǵalıqyzy klýbtyń jańa vıe-prezıdenti qyzmetine Qýat Áýesbaıdyń kandıdatýrasyn usyndy. Basqosýǵa qatysqan jáne onlaın qosylǵan klýb músheleriniń daýys berýi nátıjesinde bul usynys biraýyzdan qoldaý tapty. Jańa vıe-prezıdentke halyqaralyq uıymdarmen baılanysty kúsheıtip, sheteldegi qazaq tildi BAQ-pen tyǵyz qarym-qatynas jasaý baǵytynda birqatar tapsyrmalar berildi.

Pikirler