Premer-Ministr A.Maminnıŋ tapsyrmasy boiynşa fermerlık şaruaşylyqtarǧa qoljetımdı baǧamen kölemı 114,7 myŋ tonna daiyndalǧan şöptı satyp alu jäne jetkızu üşın tūraqtandyru qoryn qalyptastyruǧa, sondai-aq «Azyq-tülık kelısımşart korporasiiasy» ŪK» AQ arqyly 56,3 myŋ tonna jem-şöp (kebek) satyp aluǧa qosymşa qajettı qarajat bölınetın boldy dep habarlaidy "Adyrna" ūlttyq portaly.
QR Premer-Ministrınıŋ baspasöz qyzmetı mälımdegendei, Maŋǧystau öŋırıne jūmys sapary barysynda A. Mamin oblys äkımı S. Trūmovtyŋ öŋırde mal şaruaşylyǧy salasynda qalyptasqan jaǧdai jäne qūrǧaqşylyqtan zardap şekken audandardy jem-şöppen qamtamasyz etu boiynşa jürgızılıp jatqan jūmystar turaly baiandamasyn tyŋdaǧan.
Oblys äkımınıŋ aituynşa, Aqtöbe, Batys Qazaqstan jäne Qostanai sekıldı körşıles oblystardan şöp jetkızu jäne ötkızu jolǧa qoiylǧan. 1200 tonnadan astam arpa äkelıngen, olar fermerlerge naryqtyq baǧadan tömen baǧamen satyldy. QR Ükımetı Maŋǧystau oblysynda maldyŋ analyq basyna arnalǧan azyqqa jūmsalǧan şyǧyndardy ışınara öteuge 1,9 mlrd teŋge böldı.
«Aqtau teŋız porty» AEA-da Ükımet basşysyna jūmsaq qaptama ydys, polimerlık qaptama, sorǧy ştangalary men muftalar, kaustikalyq soda jäne qūramynda hlory bar önımder jäne t. b. öndıru jönındegı investisiialyq jobalar tanystyryldy.
A. Mamin aiaqtaluy osy jyldyŋ qazan aiyna josparlanǧan, turistık aimaqtyŋ tynys-tırşılıgın qamtamasyz etuge arnalǧan ūzyndyǧy 49 km qosymşa su taratqyştyŋ jäne ūzyndyǧy 33 km KTQ-1-den KTQ-2-ge deiıngı qysymdy kanalizasiialyq kollektordyŋ qūrylys barysymen tanysty. Premer-Ministr josparlanǧan nysandardyŋ, sondai-aq kölık jäne injenerlık-kommunikasiialyq infraqūrylymnyŋ qūrylysyn uaqytyly aiaqtaudy qamtamasyz etudı tapsyrdy.Premer-Ministrge öŋırdegı balyq şaruaşylyǧyn damytu, onyŋ ışınde bekıre tūqymdas balyq türlerın ösıru zauyty qūrylysynyŋ perspektivalyq jobalary, Kaspii teŋızınde balyq aulaudy ūiymdastyru turaly baiandaldy. Sonymen qatar A. Mamin balyq jemın öndıru jäne otyrǧyzu materialyn öndıruge arnalǧan inkubasiialyq sehty qūrudy qosa alǧanda, jylyna 30 myŋ tonnaǧa deiın balyq ösıru jäne qaita öŋdeu boiynşa zamanaui tehnologiialardy engıze otyryp, «Inju Marjan» şyǧanaǧynda balyq ösıru keşenın qūru jobasymen tanysty.
«Aqtau teŋız porty» AEA-da Ükımet basşysyna jūmsaq qaptama ydys, polimerlık qaptama, sorǧy ştangalary men muftalar, kaustikalyq soda jäne qūramynda hlory bar önımder jäne t. b. öndıru jönındegı investisiialyq jobalar tanystyryldy.
Premer-Ministrdıŋ «Qūryq» parom keşenın jäne «Aqtau» teŋız portyn aralauy kezınde Qazaqstannyŋ tranzittık-kölık äleuetın damytu mäselelerı qaraldy. Jükterdı auystyryp tieu quaty jylyna 6 mln tonnany qūraidy.Ükımet basşysy ūzyndyǧy 24 şaqyrym bolatyn Aqtau-Äuejai bırınşı sanattaǧy avtomobil jolynyŋ salynu barysyn, sondai-aq ūzyndyǧy 4,5 şaqyrym bolatyn «Honda» ortalyǧynan Ömırzaq auylynyŋ T-tärızdı qiylysyna deiıngı qalalyq avtomobil jolyn rekonstruksiialau barysyn tekserdı. Atalǧan uchaskelerdegı barlyq jūmys türlerın tolyq aiaqtau biylǧy jyldyŋ bırınşı qyrküiegıne josparlanǧan. A. Mamin «Transtelekom» AQ Derekterdı öŋdeu ortalyǧynyŋ jūmysymen tanysty. Joba qūny – 6,8 mlrd teŋge. Ortalyq Tier III deŋgeiınıŋ qauıpsızdık jäne senımdılık standarttaryna säikes keledı. Osyndai ortalyqtar Qazaqstannyŋ 9 qalasynda: Aqtau, Atyrau, Aqtöbe, Oral, Qaraǧandy, Jezqazǧan, Qyzylorda, Nūr-Sūltan jäne Almaty qalalarynda salynǧan. Derekterdı öŋdeu ortalyqtary klienttık serverlerdıŋ üzdıksız qyzmetın qamtamasyz etuge, elde sifrlandyru üşın tehnologiialyq negız boluǧa arnalǧan.
"Adyrna" ūlttyq portaly.
