Pentagon ökılı Djon Kerbi baspasöz konferensiiasy barysynda AQŞ äskerilerı Talibannyŋ ūrys pozisiialaryna, sonyŋ ışınde strategiialyq maŋyzy bar Qandaǧar provinsiiasyndaǧy tälıbterge äueden soqqy jasaǧanyn mälımdedı.
Khaama agenttıgınıŋ sözıne qaraǧanda, äue şabuyldary Auǧanstannyŋ ūlttyq qorǧanysy men qauıpsızdık küşterın qoldau maqsatynda jäne Taliban qolǧa tüsırgen äskeri tehnikany joiu boiynşa ıske asqan. Soqqylar tälıbter basyp alǧan artilleriialyq qaru türlerı, kölıkter men tankterge jasalǧan. Ūşaqtardyŋ qaidan kelgenı aitylmady. Taiau Şyǧysta AQŞ ūşaqtary ornalastyrylǧan äuejailar jetkılıktı. Soqqylar Auǧanstan bilıgınıŋ sūranysy boiynşa jasalǧan.
AQŞ qorǧanys ministrı Lloid Ostin Pentagondaǧy baspasöz konferensiiasynda AQŞ ükımetı Auǧanstan qauıpsızdık küşterı men Auǧanstan ükımetıne kömektesuge bel buǧanyn aitty.
Ostin sonymen qatar aimaqta AQŞ-qa qauıp töndıretın Auǧanstannan şyǧatyn kez-kelgen yqtimal terrorizm men zorlyq-zombylyqty qadaǧalap qana qoimai, sonymen qatar qauıp töngen jaǧdaida şara qoldanuǧa qabılettı ekendıkterın aitty.
"Adyrna" ūlttyq portaly
