Özbekstannyŋ Samarqand oblysyndaǧy Urgut qalasynda jappai tärtıpsızdık bolyp, ony basu üşın bilık OMON men äskerilerdı jıbergen dep habarlaidy "Adyrna" ūlttyq portaly "Azattyq" radiosynyŋ Özbekstandaǧy qyzmetıne sılteme jasap.
Jergılıktı tūrǧyndardyŋ aituynşa, 21 şıldede Urgut audanynyŋ ortalyǧynda tūratyn jas jıgıt Gus auylynyŋ tūrǧyndaryn qatty qorlaǧan.
Oblystyq polisiia departamentınıŋ habarlamasynda oqiǧa 21 şıldede «Dustlik» mahalasynda bolǧandyǧy aitylady: 32 jastaǧy jergılıktı tūrǧyn mas küiınde jergılıktı tūrǧyndarǧa boqtyq sözder aityp, video tüsırıp, ony Telegram toptarynyŋ bırınde jariialaǧan.«Köbısı būl sözderdı jeke qorlau dep qabyldady jäne körşıler onyŋ üiıne baryp, odan keşırım sūraudy talap ettı», - deidı Özbekstan ışkı ıster ministrlıgınıŋ qyzmetkerlerı. Keiın er adam özınıŋ jasaǧan ısıne ökınıp, keşırım sūraǧan video jazǧan, bıraq būl auyl adamdary adamnyŋ jeke basyn jäne onyŋ meken-jaiyn bılıp, üiıne barǧannan keiın bolǧan. Mūny bılgen er adam üiınen qaşyp ketedı, al auyl tūrǧyndary audan äkımşılıgınıŋ ǧimaratyna baryp, bilıkten "qylmyskerdı" jazalaudy talap etedı.
Osylaişa älgı jıgıttıŋ sözın qatty qabyldaǧan Gus auylynyŋ qalǧan tūrǧyndary da oblys ortalyǧyna jinala bastaidy.«Azattyq» radiosynyŋ redaksiiasyna jıberılgen beinejazbalarda qalqan men taiaqpen qarulanǧan ondaǧan äskeri qyzmetşını baiqauǧa bolady. Narazylar qauıpsızdık küşterı narazylyq aksiiasyna qatysuşylardy taratu üşın şoker men köz jasauratatyn gaz qoldandy dep mälımdedı. Bıraq mahallanyŋ töraǧasy da, Ürgut audandyq ışkı ıster bölımınıŋ ökılderı de būl aqparatty rastaǧan joq.
Samarqand oblysynyŋ ışkı ıster direksiiasy narazylyqtan keiın 140-bap («Qorlau») boiynşa qylmystyq ıs qozǧalǧanyn mälımdedı. Sondai-aq tūrǧyndardy qorlap, video tüsırgen adamnyŋ üiıne kelgen azamattarǧa qylmystyq jauaptylyq eskertıldı.https://www.youtube.com/watch?v=AakaBoUQ8eM «Qazır Gus auyly qorşauǧa alynǧan siiaqty. Äskeriler auylǧa kırıp-şyǧu beketterın jauyp tastady. Olar auyldy äskeri tehnikamen ainalyp ötıp jatyr», - dedı ekı auyl tūrǧyny «Azattyq» radiosynyŋ Özbekstandaǧy qyzmetıne.
"Adyrna" ūlttyq portaly.
