Atyraý oblysynda 18 aýyldyq okrýg boıynsha 52 kandıdat tirkelgen.Olardyń ishinde 24 kandıdat saıası partııalardan («NurOtan» - 15, «Aýyl» HDPP - 5, «ADAL» saıası partııasy - 2, QHP – 2), qalǵan 28 kandıdat ózin-ózi usynǵandar.
Barlyq saılaý ýchaskelerinde táýelsiz baıqaýshylar bar. Olardyń qatarynda úkimettik emes uıym, partııa ókilderi de jumys jasaýda.
Atyraý q., Qaıyrshaqty aýyldyq okrýgi men Qurmanǵazy aýdanynyń Safon jáne Teńiz aýyldyq okrýgteri boıynsha – 2 kandıdattan; Mahambet aýdany, Saraıshyq aýyldyq okrýginde – 4 kandıdat; Qalǵan 14 okrýgte – 3 kandıdattan tirkelgen.
Barlyq 36 saılaý ýchaskesindegi daýys berý pýnkteri Ortsaılaýkomnyń qaýlysymen bekitilgen tıisti erejege sáıkes jaraqtandyrylǵan.
Saılaý ýchaskelerinde COVID-19 koronovırýstyq ınfekııanyń taralýynyń aldyn-alý boıynsha tıisti sharalar qaralǵan. Saılaý komıssııalarynyń músheleri maskalar, qolǵaptar, sanıtaızerlermen qamtamasyz etilgen.
QR Bas memlekettik sanıtarııalyq dárigeriniń 2021 jylǵy 25 maýsymdaǵy №29 «Aýdandyq mańyzy bar qalalardyń, aýyldardyń, kentterdiń jáne aýyldyq okrýgterdiń ákimderin saılaýdy uıymdastyrý jáne ótkizý kezinde COVID-19 koronovırýstyq ınfekııanyń taralýynyń aldyn alý jónindegi qaýlysyna sáıkes senim bildirilgen adamdar, baıqaýshylar jáne buqaralyq aqparat quraldarynyń ókilderi vakınaııa pasportyn nemese tapsyrǵan kúninen bastap 3 táýlikten aspaıtyn ýaqyt ótken PTR ádisimen COVID-19-ǵa testtiń teris nátıjesin kórsetedi. Atalmysh qaýlyǵa sáıkes, saılaýǵa qatysqan tıisti tulǵalardyń barlyǵy PTR test tapsyryp, koronavırýsqa qarsy vakına aldy.
Saılaý komıssııasynyń tóraǵasy senim bildirilgen adamdardyń, baıqaýshylardyń jáne buqaralyq aqparat quraldary ókilderiniń ornalasqan jerin áleýmettik qashyqtyqty eskere otyryp, 1,5 – 2 metr qashyqtyqta aıqyndaıdy.
36 saılaý ýchaskesiniń 33-de múmkindigi shekteýli azamattarǵa arnalǵan buryshtar uıymdastyrylǵan jáne olarǵa arnaıy kabınalar jasaqtalǵan, lýpalar, aýdıorolıkter, trafaretter daıyndalǵan.
Saılaýshylar tizimine 44 305 saılaýshy engizilgen. Saılaý 41 eldi mekende, 36 saılaý ýchaskesi ashyldy.
Daýys berý 2021 jylǵy 25 shildede jergilikti ýaqyt boıynsha saǵat 07.00-de bastalyp, saǵat 20.00-de aıaqtalady.
Saılaý qorytyndylaryn aýdannyń (qalanyń) aýmaqtyq saılaý komıssııasy úsh kún ishinde anyqtaıdy.
