Künı keşe qorǧanys ministrlıgınıŋ bıtımgerşılıkke daiyndyq ortalyǧynyŋ jeke qūramy tūraqty qanmen tolyqtyryluǧa jäne Almaty qalasyndaǧy medisinalyq mekemelerdıŋ pasientterıne sapaly transfuziialyq kömek körsetuge üles qosty. Äskeri qyzmetşıler 13 litrge juyq qan tapsyrdy. Būl ölşeusız üles, jüzdegen, bälki myŋdaǧan adamnyŋ ömırın saqtap qalatyn ızgı ıs.
Älemdık koronavirustyq pandemiia jaǧdaiynda ünemı qanmen qamtamasyz etu öte maŋyzdy bolyp otyr. Sondyqtan da äskeriler ömırı qyl üstınde tūrǧan jandardyŋ janyn saqtap qalu maqsatynda ünemı ärıptestık tanytyp, donor boluǧa qaşanda daiyn. Būl turaly bıtımgerşılık pen tıldık daiyndyqty taldau jäne baqylau bölımınıŋ bastyǧy polkovnik Ruslan Maermanov mälımdedı.
«Bızge habarlaǧandai, balalar klinikasyndaǧy nauqas qan qūiuǧa öte mūqtaj körınedı. Bız balaǧa kömekteskımız keledı jäne tezırek sauyǧyp ketuın tıleimız. Äskeri qyzmetşıler Qazaqstan Täuelsızdıgınıŋ 30 jyldyǧyna orailastyrylǧan «Izgı ıster marafony» ūlttyq jobasyna belsendı qatysady jäne medisinalyq mekemelerdıŋ mūndai ötınışterıne jedel jauap beredı» dedı ol.
Jalpy bıtımger tek qana donor bolyp qan tapsyrmaidy, otan üşın jat jerde janda tapsyrady. Myŋdaǧan qazaq bıtımgerlerı Täjıkstannyŋ tauly qyraty men şatqalynda şaiqasyp, laŋkestıktıŋ oty janǧan qauıptı üiımızge ötkızbeu üşın qan töktı. 1992-1997 jyldary bıtımgerlık missiiasymen Täjıkstanda bolǧan Qazaqstan bıtımgerlerınıŋ 57 sarbazy solaişa köz jūmdy. Jat jerde, tuǧan jerdıŋ aspany aşyq bolu üşın erlık körsettı.
2003 jyldan bastap İrakta soǧys būrq ete qalǧan sätte de, Qazaqstan bıtımgerlerı soǧys oşaǧyna attanyp, 4 mlnnan astam jarylǧyş zatty zalalsyzdandyrdy. Sol arqyly on myŋdaǧan iraktyq beibıt tūrǧyndardyŋ, balalar men äielderdıŋ ömırın saqtap qaldy. Bıtımgerlık missiiany oryndau barysynda qazaqstandyq sarbaz jarylystan qaza tapqan edı.
Artynşa Livan men Afrika memleketterınde Qazaqstannyŋ bıtımgerlık küşterı öz missiialaryn oryndauǧa attandy. Olar qauıptı aimaqtaǧy tynyştyq rejimın saqtauǧa baryn salyp keledı. Afrika memleketınde laŋkestık ūiymdardan äreketıne, jaulasuşy taraptardyŋ arasyndaǧy beibıt kelısımnıŋ saqtaluyna üles qosuda. Būl adamdyq missiia. Qazaqstan bıtımgerlık küşterı däl osyndai qyzmetterdı atqarǧan, atqara bermek te. Beibıt künde qan tapsyryp, donor bolǧan jauyngerler, jat jerde memlekettık, adamdyq müddenı qorǧap, qiian missiialardy da sättı atqaruǧa saqadai sai saiypqyrandar.
"Adyrna" ūlttyq portaly
