Dárigerlerdiń jalaqysy 560 myń teńgege deıin kóterilmek

2966
Adyrna.kz Telegram

Qazaqstanda 2023 jylǵa qaraı dárigerlerdiń jalaqysyn 561 myń teńgege deıin kóterýdi josparlap otyr. Bul týraly QR Premer-Mınıstriniń orynbasary Eraly Toǵjanov depýtattyq saýalǵa bergen jaýabynda aıtty. Bul týraly «Adyrna» ulttyq portaly Orda.kz saıtyna silteme jasap habarlaıdy. 

Ol memleket basshysynyń tapsyrmasy boıynsha dárigerlerdiń jalaqysyn kezeń-kezeńimen kóterý kózdelip, 2023 jylǵa qaraı ekonomıkadaǵy ortasha jalaqynyń 2,5 eselengen deńgeıine deıin jetkizý kózdelgenin eske saldy.

«2020 jyldyń 1 qańtarynan bastap tegin medıınalyq kómektiń kepildendirilgen kólemi sheńberinde jáne mindetti áleýmettik medıınalyq saqtandyrý júıesinde medıınalyq qyzmetterdi usyný tarıfteri kóterildi, sáıkesinshe dárigerlerdiń jalaqysy jyl saıyn orta eseppen 30% -ǵa kóterilip otyryldy. Dárigerlerdiń jalaqysyn 246 myń teńgeden (2020 j.) 561 myń teńgege (2023) deıin kóterý josparlanyp otyr», – dedi Toǵjanov.

Premer-Mınıstrdiń orynbasary 2021 jylǵa deıin medıınalyq kadrlardyń jetispeýshiligin tómendetý úshin jol kartasy bekitilgenin aıtty.

«Medıınalyq kadrlarmen qamtamasyz etý máseleleri úkimet otyrysynda qaraldy jáne ákimdikterge medıına qyzmetkerlerin qarjylaı yntalandyrý sharalaryn qabyldaý tapsyryldy», – dedi QR Premer-Mınıstriniń orynbasary.

"Adyrna" ulttyq portaly

Pikirler