«Adyrna» ulttyq portaly QR Tótenshe jaǵdaılar mınıstrligine arnaıy saýaldaryn joldap, oǵan tıisti jaýaptardy aldy. Nazarlaryńyzǵa mınıstrlik bergen jaýaptardy qaz-qalpynda usynys otyrmyz.
— Órt sóndirýshiler men qutqarýshylardyń tótenshe jaǵdaı kezindegi qyzmeti qanshalyqty qaýipti? Osy ýaqytqa deıin órt sóndirýshiler men qutqarýshylardyń ómirine kúrdeli qaýip tóngen kezi tirkeldi me?
— Azamattyq qorǵaý organdarynyń qutqarýshylary avarııalyq-qutqarý jumystarynyń barlyq spektrin, onyń ishinde asa kúrdeli jáne qaýiptiligi joǵary jumystardy júzege asyrady. Bul:
- tabıǵı jáne tehnogendik ortadaǵy avarııalyq-qutqarý jáne jumystar;
- hımııalyq, radıaııalyq zaqymdaný aımaqtarynda, bıik taýly jerlerde jáne jetýi qıyn aýdandarda, arnaıy jabdyqtardy qoldanýmen, tikushaq tehnıkasynan desant túsirýdi jáne t. b. qoldanýmen baılanysty kúrdeli obektilerde izdestirý-qutqarý jumystary;
- sý astyndaǵy súńgýirlik-izdestirý jumystary;
- óli denelermen nemese denelerdiń fragmentterimen jumys atqarady.
Órt sóndirýshiler tek órtterge ǵana jaýap bermeıdi, sonymen qatar ǵımarattar men qurylystardyń qulaýymen, jol-kólik oqıǵalarymen, qar kóshkinimen, ónerkásiptik apattarmen, sý tasqynymen, jer silkinisimen, sondaı-aq qaýipti hımıkattar men materıaldardyń aǵyp ketýimen baılanysty tótenshe jaǵdaılar týyndaǵan kezde adamdarǵa kómek kórsetedi. Órt sóndirýshi-qutqarýshylardyń jumysy álemdegi eń qaýipti jáne kúrdeli mamandyqtardyń biri bolyp tabylady. Olardyń negizgi mindeti - adam ómiri men múlkin qutqarý, sondaı-aq órtti joıý. Olar óz jumysynda túrli ekstremaldy jaǵdaılarǵa tap bolady, ondaı kezde jaqsy fızıkalyq daıyndyq, joǵary stresske tózimdilik, sondaı-aq ártúrli arnaıy qurylǵylar men avarııalyq-qutqarý jabdyqtaryn paıdalaný daǵdylary qajet. Kóbinese tótenshe jaǵdaılar kezinde adamdarǵa alǵashqy kómek qajet. Sondyqtan órt sóndirýshiler belgili bir medıınalyq daǵdylarǵa ıe, ol úshin olar paramedıkterdi daıarlaý kýrstarynan ótedi. Tótenshe jaǵdaılarǵa qarsy kúreste jáne adamdardyń ómirin qutqarýda órt sóndirýshi-qutqarýshylardyń jaraqat alyp, qaıtys bolý qaýpi bar. Jalpy, sońǵy 30 jyl ishinde óziniń qyzmettik boryshyn óteý kezinde azamattyq qorǵaý organdarynyń 54 qyzmetkeri qaza boldy.
Osylaısha, 2021 jyldyń birinshi jartyjyldyǵynda qyzmet atqarý kezinde aǵymdaǵy jyldyń aqpan aıynda Pavlodar oblysynyń Aqsý qalasynda janyp jatqan jeke úıdi sóndirý kezinde 1 qyzmetkerdiń qaza bolýy jáne 4 jaraqattaný jaǵdaıy tirkeldi. Sáýir aıynda Jambyl oblysynyń Shý aýdanynda súńgýir qyzmettik mindetterin oryndaý kezinde qaza tapty. Shý aýdanyndaǵy Tasótkel sý qoımasynda 24 jastaǵy qyzdy izdeý jumystary júrgizildi. Aýa raıynyń qolaısyzdyǵynan jáne jeldiń kúsheıýinen qutqarýshynyń qaıyǵy aýdarylyp, izdeý jumystaryn júrgizý ornynda Jambyl oblysy TJD Jedel-qutqarý jasaǵynyń bas qutqarýshysy joǵaldy.
— Sońǵy jyldardaǵy eń iri nemese qaýipti qutqarý jumystary jóninde aıta ketseńiz.
— Jyl saıyn bizdiń elimizde úlken órtter oryn alady. Olar halyq arasynda arasynda úlken rezonans týdyrady. Sońǵy eki jylda osyndaı birqatar jaǵdaılardy mysalǵa keltirýge bolady.
2019 jyldyń naýryz aıynda Mańǵystaý oblysynyń «Qalamqas» ken ornynyń uńǵymasynda grıfon túrindegi gaz-sý qospasynyń shyǵarylýynan apat boldy keıin onyń janýy oryn aldy. Órtti joıý úsh kún ishinde júzege asyryldy. Ol úshin negizgi órt sóndirý jáne basqa da ınjenerlik tehnıka tartyldy.
2019 jylǵy maýsymda Túrkistan oblysy Arys qalasynda Qorǵanys mınıstrligi áskerı bóliminiń oq-dári qoımasynda snarıadtardyń jarylýyna ákep soqqan órt boldy. Joıý úshin Túrkistan oblysy men Shymkent qalasynyń órtke qarsy qyzmetiniń garnızondary tartylyp, kóptegen órt oshaqtaryn sóndirdi, sondaı-aq halyqty evakýaııalaýǵa qatysty.
Arys qalasynyń aýmaǵynda azamattyq qorǵaý organdarynyń kúshimen 88 órt (qoǵamdyq tamaqtaný, saýda ǵımarattary, turǵyn úıler, sharýashylyq qurylystary jáne tabıǵı órtter) joıyldy.
Jalpyǵa birdeı evakýaııa jarııalanǵan sátten bastap TJ aımaǵynan jumyldyrylǵan kúshter uıymdasqan túrde 3566 adamdy shyǵardy, 39 myńnan astam adam óz betinshe evakýaııalandy jáne basqa eldi mekenderge ketti.
2020 jylǵy 1-16 mamyr aralyǵynda Ózbekstan Respýblıkasynyń Syrdarııa oblysyndaǵy Sardoba sý qoımasynyń buzylýy nátıjesinde Túrkistan oblysy Maqtaaral aýdanynyń shekarasynda sý tasqyny boldy. 5 eldi meken (Jańaturmys, Jeńis, Ferdoýsı, Órgebas, Dostyq aýyldary), Jeńis aýylyndaǵy kópir shaıylyp ketken, sondaı – aq 4 avtomobıl joly (Respýblıkalyq – 1, oblystyq – 2, aýdandyq-1). Jalpy aýdany 7 411 ga jaıylymdar men egistik jerler sý astynda qaldy.
Túrkistan oblysy eldi mekenderiniń aýmaǵyn sý basý saldaryn joıý, avarııalyq-qutqarý jáne kezek kúttirmeıtin jumystardy júrgizý úshin 1 617 adam, 321 birlik tehnıka, 13 júzý quraldary, 207 sý sorý tehnıkasy (motopompalar) tartyldy. Sý basqan eldi mekenderdiń aınalasyna 22,3 km.astam ýaqytsha bógetter salyndy, 3 kollektor ornatyldy, 87,4 myńnan astam qum salynǵan qap tóseldi, 6 mln. tekshe metrden astam sý soryldy.
2020 jyldyń qarasha aıynda Nur-Sultan qalasyndaǵy dámhanalardyń birinde gaz ballonynyń jarylysy oryn alyp, keıinnen nysannyń qulaýy men órttiń shyǵýy oryn aldy. Jarylys saldarynan aýrýhanalarǵa 34 adam jetkizildi, onyń ishinde 23 adam aýrýhanaǵa jatqyzylyp, 1 adam qaıtys boldy. TJD kúshimen órtti sóndirý jáne qurylymdardy bólshekteý júzege asyryldy, onyń barysynda mekeme qyzmetkeri úıindilerdiń astynan qutqarylyp, aýrýhanaǵa jatqyzyldy.
2021 jylǵy 10 mamyrda Shyǵys Qazaqstan oblysynyń Rıdder qalasynan
2 shaqyrym jerde qurǵaq shóp órtendi, keıinnen órttiń orman alqabyna jáne odan ári qalanyń turǵyn aýmaǵyna jaıylýy oryn aldy. Órt saldarynan bir adam qaza tapty, 2 turǵyn zardap shekti, otpen 31 turǵyn úı men 5 avtokólik, sondaı-aq sharýashylyq qurylystary joıyldy. Órtti sóndirý 3 táýlik boıy júzege asyryldy, shamamen 500 adam, 70 birlik tehnıka jáne 2 tikushaq jumyldyryldy.
2021 jylǵy eń iri izdestirý jaǵdaıy Tólebı aýdany Saıram-Ógem memlekettik ulttyq tabıǵı parkiniń aýmaǵynda tirkeldi. 21 mamyrda 7 týrıst jaıaý tártippen Sary-Aıǵyr shatqalyna bet alyp, 24 mamyrda qaıtýǵa josparlaǵan. Alaıda, olardyń jospary iske aspady. Izdestirý jumystary 25 mamyrdan 22 maýsymǵa deıin júrgizildi. Izdeý jumystary taýly aımaqta júrgizilgendikten kúrdelendi. Izdestirý jumystary bastalǵannan beri toptar 2500 shaqyrymnan astam joldy júrip ótti, TJM áýe kemelerimen 16 000 shaqyrymnan astam joldy sharlady, ushqyshsyz ushý apparattarymen shamamen 260 km. Ortasha alǵanda, kúndelikti izdestirý jumystaryna 120-130 adam, 8 birlik tehnıka, 3 pılotsyz ushý apparaty,4 kınologııalyq esep jáne 1 áýe kemesi jumyldyryldy.
- Osy ýaqytqa deıin el aýmaǵynda orta eseppen qansha TJ tirkeldi?
- TJ qyzmetteriniń jumys istegen jyldary (1995-2021 jyldar aralyǵynda) tótenshe jaǵdaılar men órtterdi joıýǵa 1 mln.441 myńnan astam shyǵý jasaldy. Olardyń qyzmeti, kásibıligi men jedeldiginiń arqasynda 386 myńnan astam adam qutqaryldy, 351 myńnan astam TJ aımaǵynan evakýaııalandy, 59 myńnan astam zardap shekkenderge medıınalyq kómek kórsetildi.
Jyl saıyn orta eseppen 18 myńnan astam tabıǵı jáne tehnogendik sıpattaǵy TJ tirkeledi, onyń ishinde 15 myń órt oryn aldy. TJ aımaǵynan qutqarýshylar 8 myń azamatty qutqarady, 20 myńnan astam adamdy evakýaııalaıdy, 4,5 myń zardap shekkenderge medıınalyq kómek kórsetiledi.
2021 jyldyń basynan bastap qutqarý bólimsheleri órtterge jáne avarııalyq-qutqarý jumystaryna 39 myńnan astam ret shyqqan, 6 myńnan asa adam qutqaryldy, TJ aımaǵynan 8 myńnan asa adam evakýaııalandy, 1 myń zardap shekken adamǵa alǵashqy medıınalyq kómek kórsetildi.
«Adyrna» ulttyq portaly
