Qostanai oblysynda ŞOB sany artty

«Koronavirus pandemiiasymen bailanysty jaǧdaiǧa qaramastan käsıpkerlıktı damytu baǧytynda belsendı jūmys jürgızdık. Oǧan şaǧyn jäne orta biznes salasyndaǧy negızgı körsetkışter boiynşa oŋ dinamika dälel bola alady. 2021 jyldyŋ 5 aiynyŋ qorytyndysynda öŋırdegı jūmys ıstep tūrǧan şaǧyn jäne orta biznes subektılerınıŋ sany 2 paiyzǧa artty», - dedı oblys basşysy Ortalyq kommunikasiylar qyzmetındegı baspasöz, mäslihatynda. Onyŋ deregınşe, bügınde öŋırde 53,4 myŋ şaǧyn jäne orta biznes subektısı jūmys ısteidı. Olarda 155,8 myŋ adam eŋbek etedı. «Pandemiianyŋ terıs yqpalyna qaramastan ŞOB subektılerı şyǧarylatyn önım kölemın saqtap qaldy. Būl 2020 jyldyŋ qorytyndysynda öŋırlık jalpy önımdegı şaǧyn jäne orta biznes ülesın 30 paiyzǧa deiın jetkızuge mümkındık berdı. Käsıpkerlerdı qoldau üşın biznestı qoldauǧa arnalǧan memlekettık jäne öŋırlık baǧdarlamalar qarqyndy jüzege asyrylyp jatyr. Mäselen, biyl «Biznestıŋ jol kartasy -2025» baǧdarlamasy aiasynda şamamen 6 mlrd teŋge bölındı. Eseptı kezeŋde 1 002 jobaǧa qoldau körsetıldı. «Qarapaiym zattar ekonomikasy» baǧdarlamasy aiasynda jalpy somasy 50,7 mlrd teŋge bolatyn 304 joba maqūldandy. 2016 jylda berı «Atameken Qostanai» öŋırlık baǧdarlamasy aiasynda 2 mlrd teŋgeden astam somaǧa 379 jobaǧa qoldau körsetıldı», - dedı Arhimed Mūhambetov.