Qalalyq balalar şyǧarmaşylyq mektebınde el Täuelsızdıgınıŋ 30 jyldyq mereitoiyna orai, Edıge batyr jyryn jatqa aitu boiynşa 6-10 synyp oquşylary arasynda oblystyq bılım basqarmasynyŋ ūiymdastyruymen «Tūlpar mınıp, tu alǧan» oblystyq baiqauy öttı.
Būl baiqauǧa üzdıkterdıŋ üzdıgı audandyq jäne qalalyq kezeŋderdıŋ jeŋımpazdary qatysty. Sonymen qatar talapty oquşylardyŋ dodasynda qalalyq şyǧarmaşylyq mektebınıŋ «İndigo» bi toby öner körsettı.
Bılımdı jastardyŋ önerın qūramyna aqyn, Halyqaralyq «Alaş» ädebi syilyǧynyŋ laureaty, «Altyn qalam» syilyǧynyŋ iegerı Aqylbek Şaiahmet, Ö.Sūltanǧazin atyndaǧy Qostanai memlekettık pedagogikalyq universitetınıŋ professory, aqyn Serıkbai Ospanov, A.Baitūrsynov atyndaǧy öŋırlık universitetınıŋ «Tıl jäne ädebiet teoriiasy» kafedrasynyŋ meŋgeruşısı Qarlyǧaş Nūrmūhamedova, akter, I.Omarov atyndaǧy oblystyq qazaq drama teatrynyŋ direktory Älımhan Myrzahan kırgen ädıl qazylar alqasy seminarǧa qatysyp, jeŋımpaz atanamyn dep kelgen är audannyŋ, är qalanyŋ namysyn qorǧaǧan bılımdı şäkırtterge tisılı baǧasyn qoidy.
Ädıl qazylardyŋ şeşımımen oblystyq «Tūlpar mınıp, tu alǧan» baiqauynyŋ bas jüldesın Rudnyi qalasynyŋ oquşysy Nūrsila Abedova jeŋıp alyp, 600 myŋ teŋge syiaqyǧa ie boldy. Al jeŋımpazdy daiyndaǧan ūstaz Qymbat Birmanovaǧa 500 teŋge syiaqy ūsynyldy. 1-şı oryndy ielengen Qarabalyq audanynyŋ oquşysy Altynai Ömırzaqovaǧa 500 teŋge tabys etıldı. Ony daiyndaǧan jetekşısı Almabike Eskendırovaǧa 450 myŋ teŋge kölemınde jülde būiyrdy. Al 2 oryn alǧan Qostanai audanynyŋ oquşysy Şapaǧat Qūrmanǧazyqyzy 350 myŋ teŋgege ie boldy. Onyŋ ūstazy Tolqyn Aimaǧanbetovaǧa 300 myŋ teŋge tabys etıldı. 3 oryndy qanjyǧasyna bailaǧan Jandos Qasaev 250 myŋ teŋgenıŋ iegerı atandy. Ūstazy Jandos Paniiazǧa 200 myŋ teŋge berıldı.
Mıne, osylaişa oblystyq baiqaudyŋ jeŋımpazdary tiıstı därejede marapattaldy. Bılım dodasyna qatysqan basqa da oquşylar sertifikat pen 20 myŋ teŋge kölemınde aqşalai syilyqtyŋ iegerı atandy.
-Baiqauǧa oquşylar joǧary daiyndyqpen kelgenın baiqadyq. Osyndai dodanyŋ ūiymdastyrylatynyn bılgennen bastap, ūstazdarymen kündelıktı daiyndyq jūmystaryn jürgızgen. Būl oŋai emes. Sondyqtan bügın baiqauǧa qatysyp, bılımderınıŋ tereŋdıgın tanytqan oquşylarǧa alǧysymyzdy bıldıremız. Sondai-aq osyndai bılıktı şäkırtter daiyndap jürgen ūstazdar qauymyna de ülken rahmet. Ärdaiym oquşylary biıkterden körıne bersın,-deidı oblystyq bılım basqarmasynyŋ bas mamany Qalamqas Qarataeva.«Bılektı bırdı jyǧar, bılımdı myŋdy jyǧar» dep beker aitalmasa kerek. Qazırgı bılımnıŋ orny erekşelenıp tūrǧan kezde bılıktı de bılımdı şäkırtterımızdıŋ sany arta tüsse, nūr üstıne nūr bolar edı.
Aiagöz KÄKIMJANOVA
