Memleket basşysynyŋ «halyq ünıne qūlaq asatyn memleket» qaǧidasyna säikes Şymkent qalasynda halyqpen kerı bailanys ornatu jüielı jolǧa qoiylǧan.
Şymkent qalasynyŋ äkımı Mūrat Äitenov bastaǧan basşylyq ökılderı tūrǧyndarmen onlain kezdesuler ötkızıp, äleumettık jelı arqyly tıkelei efirde bailanysyp otyrady.
Qala äkımı ai saiyn tūrǧyndardy onlain jeke mäselelerı boiynşa qabyldasa, apta saiyn türlı taqyrypta özınıŋ paraqşasynda tıkelei efirge şyǧyp tūrady. Jyl basynan berı 11 ret tıkelei efirge şyqqan bolsa, äkım jäne onyŋ orynbasarlary 70 ret onlain kezdesu ötkızıp, onda 555 tūrǧyndy qabyldaǧan.
Odan bölek soŋǧy 2 aida audan äkımderı men basqarma basşylary 25 ret tıkelei efirge şyǧyp, tūrǧyndar saualyna jauap bergen. Atqarylǧan jūmystar jönınde esep berıp, josparlarmen bölısıp otyrady.
Mysaly, megapolis basşysy ötken jūmada tūrǧyn üidı basqarudyŋ jaŋa türıne (OSİ) köşudıŋ artyqşylyqtaryn tüsındırdı. Jaŋa zaŋǧa säikes köp qabatty tūrǧyn üiler jai serıktestık nemese mülık ielerınıŋ bırlestıgın qūryp jatyr.
Aqparattyq tanymdyq jiektı arttyru maqsatynda bügın Abai audanynyŋ äkımı B.Parmanov @akimat_shymkent äkımdıktıŋ instagramdaǧy resmi paraqşasynda atalǧan taqyrypty taǧy da keŋınen tarqatty. MİB nemese JS qūru üşın ne ısteu kerek, kımge baru kerek, qandai tiımdılıgı bar atap öttı. Efir barysynda qoiylǧan 70-ke tarta sūraqqa jauap berdı.
Şymkent qalasy äkımdıgınıŋ baspasöz qyzmetı
