Auǧanstandaǧy ūzaqqa sozylǧan daǧdarystyŋ saldarynan jyl basynan berı 270 myŋnan astam adam üiın tastap ketuge mäjbür boldy. Būl turaly Euronews BŪŪ mälımetterıne sılteme jasap habarlady.
BŪŪ Bosqyndar jönındegı agenttıgınıŋ habarlauynşa, memleket auyr gumanitarlyq daǧdarystyŋ aldynda tūr. Ol köptegen balaǧa kerı äserın tigızıp jatyr. Soŋǧy ekı aidyŋ ışınde eldegı zorlyq-zombylyq deŋgeiınıŋ ösuıne bailanysty olardyŋ 80 myŋnan astamy üilerınen airylǧan. Qūrban bolǧandardyŋ jartysyna juyǧy äielder men balalar.
Daǧdarys būl eldıŋ tūrǧyndarymen qatar Europaǧa da auyr zardaptar äkelude. Soǧystan qaşuǧa mäjbür bolǧan Auǧanstannyŋ köptegen azamatty Europa elderınen pana ızdep jür.
Aita keteiık, Germaniia kanslerı Angela Merkel şıldede memlekettıŋ barlyq mäselenı şeşuge resursy joq ekenın jäne bosqyndardy qabyldai almaityndyǧyn mälımdedı. Türkiia bilıgı de köşı-qonnyŋ ösuı turaly habarlady. Ötken aida būl el Auǧanstannan kelgen 27 myŋnan astam adamdy İran şekarasynda ūstaǧan bolatyn.
«Adyrna» ūlttyq portaly
