Reseıdiń qorǵanys mınıstri Sergeı Shoıgýdyń Reseı astanasyn Sibirge kóshiremiz degen sózinde jan bar sııaqty. Reseı qorǵanys mınıstri bul sózin senimdi túrde aıtyp otyr. Onyń negizgi ári basty sebepteri de joq emes.
Reseıdiń Sibir aımaǵynda tutas Reseımen qosa alǵanda mystyń 50 paıyzy, nıkeldiń 75 paıyzy, platınanyń 90 paıyzy jatyr.
Mundaı óndiris oshaqtarynyń basty ıeleri dál qazir - Qytaı. Qytaıdyń óndiris salasyndaǵy úlesin tómendetý maqsatynda da Reseı bıliginde lobbısttik áreketter iske asýda. "RIA Novostıge" bergen suhbatynda Reseıdiń qorǵanys mınıstri Sibirdegi barlyq óndiris oshaqtaryn Reseıdiń ózine qaıtarý kerek degen pikirin aıtyp qaldy. Sibirden shyǵatyn shıkizattardan akkýmýlıator men elektroqozǵaltqyshtarǵa qajetti barlyq paıdaly qazbalar shyǵady.
Sonymen qatar Reseıdiń Sibirdegi baılyǵyna Eýropa men AQSh-ta qyzyǵýshylyq bildirip keledi. Olardyń da ekonomıkalyq múddesi osy tusta qıysady. Sondyqtan Reseıdiń qorǵanys mınıstri osy óńirge barlyq ǵalymdar men mamandardy tartýdy iske asyrý kerektigin aıtyp, óndiris oryndaryn tezdetip salyp, áreketke kóshýdi aıta ketti.
Sergeı Shoıgý Krasnoıarskdegi ǵalymdarmen kezdesýinde de osy pikirin aıtqan bolatyn.
Biraq, jýyq arada Reseıdiń astanasy Sibirge kóshe salady degenge eshkim de sene qoımas. Degenmen mınıstrdiń aıtyp otyrǵan pikiriniń strategııalyq mańyzy bar ekeni aıdan anyq.
Bekbolat QARJAN,
"Adyrna" ulttyq portaly
