Qala äkımı qūrylys nysandaryn aralady

Şymkent qalasynyŋ äkımı Mūrat Äitenov qaladaǧy bırqatar qūrylys nysandaryn aralady. Solardyŋ bırı - Qonaev daŋǧyly jalǧasynda jürgızılıp jatqan qūrylys jūmystary. Bügınde 3-kezeŋge säikes Tereşkova köşesınen Böget köşesıne deiıngı aralyqta jūmystar qarqyndy jürude.Atalǧan köşe boiynşa ortaşa jöndeu jūmystary 2020-2021jyldar aralyǧyna josparlanǧan. Şymkent qalasynyŋ maŋyzdy köşesı sanalatyn būl daŋǧyldyŋ qūrylys jūmystary «KazahDorStroi» JŞS-na jüktelgen. 3-kezeŋdegı jūmystar jalpy ūzyndyǧy 6 jolaqty 0,561 şaqyrymdy qūraidy. Al joldyŋ enı 42 metr. Bügıngı taŋda 700 m ekı baǧytty ainalma temır jolyn, 948m kärız qūbyryn salu, 3,4 şaqyrym kabel jelılerı, 24 temır jol elektr baǧanalaryn jäne 2 dana jer asty jaiau jürgınşıler ötkelderın ornatu, temır jol ötkelınıŋ 24 dana svai qūiu, 12000m3 jer jūmystary jäne 2 dana temır jol köpırınıŋ negızın qūiu jäne 2 dana temırjol balkalaryn ornatu jūmystary oryndalǧan.Qazırgı uaqytta tıreu qabyrǧalaryn qūiu, injenerlık jelılerdıŋ ornyn auystyru, memleket mūqtajyna alynǧan üilerdı süru jūmystary jürgızılude. Temır jol astynan ötetın jol ötkelınıŋ qazu jūmystaryn jalǧastyru üşın Tereşkova köşesınen temır jolǧa deiıngı nysandardy memleket mūqtajyna qaitaru qajettıgı tuyp otyr. Osyǧan orai, qala äkımı memleket mūqtajdyǧyna qaitaru kerek üilerdıŋ tūrǧyndarymen kelıssözder jürgızıp, halyqqa tiımdı bolatyn jaǧdailardy qarastyru kerektıgın jetkızdı.