Şymkent säuletı şahmat pışınımen tolyqty

Şymkentte halyqaralyq şahmat künıne orai eskertkış aşyldy. Ortalyq saiabaqta ornatylǧan şahmat figurasynyŋ biıktıgı - 3 m, salmaǧy - 4 tonna. Säulettı müsındı «Şymkent - Qazaqstannyŋ şahmat astanasy» atanuyna orai «Black Rock Business» JŞS-ı ökılı Bauyrjan Myrzataev Şymkent qalasyna syi retınde tartu ettı. «Şymkent – Qazaqstannyŋ şahmat astanasy» atanu sätınde qalamyzda ony aiǧaqtaityn arnaiy eskerkıştıŋ boluy maŋyzdy. Jergılıktı tūrǧyndar men şahmat janküierlerı üşın Ortalyq saiabaq negızgı orynǧa ainalyp ülgergen. Sondyqtan şahmat figurasyna osy oryn taŋdalyp alynǧan. Sondai-aq, bügın Şymkentte şahmattan jasöspırımder arasynda QR Chempionaty bastau aldy. Sporttyq saiystyŋ basty maqsaty - halyqaralyq şahmat arenasynda Qazaqstannyŋ oŋ imidjın qalyptasyra otyryp, Şymkenttı ziiatkerlık şaharǧa ainaldyru.  Köptegen halyqaralyq dodalarda Änūranymyzdy şyrqata bılgen alǧaşqy grossmeisterler Rinat Jūmabaev, Gülıshan Nahbaeva jäne Jansaia Äbdımälık, Gülmira Däuletova Şymkent qalasynyŋ tumasy. Sondai-aq Qazaqstanda tūŋǧyş ret Şymkent mektepterınde şahmat oiyny engızıldı. Öŋırlerde şahmatty köpşılıkke nasihattau- bükıl eldıŋ şahmatşylarynyŋ şyǧarmaşylyq bailanysyn nyǧaituǧa mümkındık beredı.