Nūr-Sūltan qalasynda 36 qazaq mektebı, 53 aralas mektep, 18 taza orys tılınde bılım beretın mektep bar. Aralas mektep degen aty ǧana, onda negızınen basymdyq orys tılıne berıletını aidan anyq dünie. Sol aralas mektepter qalanyŋ qaq ortasynda, jaŋadan salynǧan, jaǧdailary öte jaqsy ǧimarattarda ornalasqan.
Taza qazaq mektepterınıŋ köbı şetpūşpaqtaǧan, qalanyŋ ana şetı, myna şetı, itölgen mekenderde ǧana aşylǧan. Iаǧni, arzan päter jaldaǧan, bazar jaǧalaǧan jarly-jaqybailar men är oblystan köşıp kelıp, älı būl qalaǧa sıŋıstı bola almaǧandardyŋ mekenı. Aralas mektepter qalanyŋ eŋ körıktı jerlerınde, bai-baǧlandardyŋ, basşy, qosşy, şeneunıkterdıŋ mai kekırıp jatqan süiıktı aumaqtarynda ornalasqan. Olardyŋ balalary aralas ne orys mektepterınde oqidy. Sebebı, memleket saiasatynyŋ astaryn da, bügıngı baǧyt-baǧdaryn da körıp, sezıp otyrǧan jaŋa qazaqtar balalaryn orysşa oqytady.
Öitkenı qazaq tılınıŋ bolaşaǧyna ata-analary da senbeidı! Al bızdıŋ memlekettıŋ «mäsınıŋ qonyşyn kesıp kebıs qylǧan» qojanasyr saiasatyn qaraŋyz! Qalalyq bılım basqarmasynyŋ bır şaruasyna Bılım jäne ǧylym ministrlıgı aralasa almaidy! Äkımdık – jarty patşalyq! Ol az deseŋız, qalanyŋ bılım basqarmasyna qaramaityn Nazarbaev ziiatkerlık mektepterı, jekemenşık mektepter qazaq tılınıŋ kösegesın kögertıp otyr dei alasyz ba?! Osy jaqynda ǧana Nūr-Sūltannyŋ qaq ortasynda aşylǧan 89, 91- mektepterdı qala äkımı Altai Kölgınov aşty, olar da aralas!!! 92 – mekteptı aralas jasamaq.
Altai myrza, qazaq memleketınıŋ bolaşaǧyna balta şappau kerek jäne ol balta "Bolaşaqpen" oqyp kelgen azamattyŋ qolymen şabylmauy kerek.
feisbuk paraqşasynan
Ūqsas jaŋalyqtar
