Elordada ötıp jatqan älemdık jäne dästürlı dınder köşbasşylary keŋesınıŋ ūiymdastyryluy men ötuıne Qazaqstan halqy ǧana emes, tūtas älem köz tıgıp otyr . VII sezdıŋ ūiymdastyryluy men saiasi salmaqtylyǧyna qatysty oi-pıkırler ūlttyq aqparat keŋıstıgınde talqyǧa tüsude. Jurnalist, zertteuşı Kämşat Tasbolat köpşılıktıŋ nazaryn sezdegı qazaq tılınınıŋ qoldanysyna audardy, dep habarlaidy "Adyrna".
- Älemdık jäne dästürlı dınder sezınıŋ elımızde ötkızılgenı qūptarlyq. Tek bır ättegen-aiy, keşelı berı sezdıŋ Bannerı qazaqşa jäne aǧylşynşa jazyldy dep jūrttyŋ bärı süiınşılese de, keşegı otyrystyŋ da, bügıngı sezdıŋ de Moderasiiasy orys tılınde jürdı?! Endı qaraŋyz, Vatikan basşysy, arab älemınıŋ ǧūlamalary, İzrail ravvinderı, basqa da baptist, buddist, t.b. dın ökılderıne qazaqşa söz beresıŋ be, orysşa söz beresıŋ be, bärıbır. Reseidıŋ patriarhy jiynǧa kelmedı, sonda Mäskeu patriarhatynyŋ ökılıne jasalǧan qūrmet pe būl? Jalpy, halyqaralyq zaŋdarǧa, ūstanymdarǧa säikes, älemdık şaralardy Qabyldauşy eldıŋ memlekettık tılınde ötkızuge bolady! Sondyqtan qabyldauşy tarap - Qazaqstan bolǧan soŋ, sezd memlekettık tıl - qazaq tılınde ötuı kerek! Mındettı. 19 mln halyqtyŋ 13,5 milliony qazaq, būǧan bırneşe million türkı tıldes bauyrlarymyzdy qosyŋyz. Elımızde qazaqşa bıletın qanşama nemıs, ukrain kärıs, orys, t.b. bar. Memlekettık tıl - memlekettılıktıŋ nysany! 31 jyl boiy memlekettık tıldı halyqaralyq jiyndarda dälızden syǧalatyp qoiǧan "eskı de jaŋa" bilıkke būl ülken syn, - dep jazdy jurnalist.
"Adyrna" ūlttyq portaly
Ūqsas jaŋalyqtar
