Şymkenttegı auyz sumen qamtuda 14 joba ıske asyryluda

Prezidenttıŋ töraǧalyǧymen ötken Ükımettıŋ keŋeitılgen otyrysynda Şymkent äkımı Mūrat Äitenov qala damuyndaǧy negızgı mäselenıŋ bırı - injenerlık infraqūrylym ekenın atap öttı.Onyŋ aituynşa, qalanyŋ 75 paiyzy jeke tūrǧyn üilerden jäne şaǧyn eldı mekenderden qūralady. 81 eldı mekennıŋ 41-ı jaŋadan qosylǧan, infraqūrylymdyq ahualy kürdelı aumaqtar.«İnfraqūrylymdyq damu qalanyŋ 5 jyldyq josparynda qamtylǧan. Bırınşı kezekte, halyqty sapaly auyz sumen qamtu nazarǧa alyndy. Bügıngı taŋda 5 eldımeken jartylai,  7 eldımeken su tasymalymen qamtylǧan. Ükımet qoldauymen 16 mlrd. teŋgege 14 nysannyŋ qūrylysy jürgızılude. Nätijesınde auyz su mäselesı 2023 jyly tolyǧymen şeşıled»,-dedı qala äkımı. Qala basşysy sondai-aq kärız jüiesı mäselesıne de toqtalyp öttı.  Onyŋ aituynşa, şahardaǧy 63 eldı mekende kärız jüielerı joq.  Qoldanystaǧy şaiyndy su tazartu keşenınıŋ quaty jetpeidı. Biyl 13 nysannyŋ qūrylysy jürgızılude. Nätijesınde, kärız jüiesımen qamtu deŋgeiı 54 paiyzǧa jetedı. ŞYMKENT İNFRAQŪRYLYM SAPASYN ARTTYRUDY MAQSAT TŪTADY Qala joldarynyŋ ūzyndyǧy – 3 247 şaqyrym. Onyŋ  37 paiyzynda asfalt töselmegen. Biyl 163 köşede kürdelı jäne ortaşa jöndeu jūmystary bastaldy. Nätijesınde, qanaǧattanarlyq joldardyŋ ülesı  64 paiyzǧa jetedı. Sonymen bırge äkım 16 eldı mekende elektr energiiasynyŋ sapasy tömen ekenın aityp, osyny joiu maqsatynda biyl osy salada 14 nysannyŋ qūrylysy bastalǧanyn mälım ettı. Halyqty sapaly elektrmen qamtu mäselesı 2025 jyly tolyǧymen şeşıledı. Al, 33 eldımeken tabiǧi gazben jartylai qamtylsa, 8 eldımekenge gaz tartylmaǧan. Gaz taratu stansiialarynyŋ quattylyǧy jetkılıksız. Biyl gazben qamtu boiynşa 18 nysannyŋ  qūrylysy jürgızılude. Gazdandyru mäselesı 2023 jyly tolyǧymen şeşıledı.