Tokıo Olımpıadasynyń jeńimpazy Albert Batyrgazıev qazaqstandyqtarǵa
alǵysyn jetkizdi. Bul týraly Mańǵystaý oblysy ákiminiń baspasóz qyzmeti jazdy, dep habarlaıdy «Adyrna» tilshisi.
Tokıo olımpıadasynda bokstan altyn júlde alǵan reseılik sportshynyń ata-anasy 90-shy jyldary Jańaózen qalasynda turyp, jemisti eńbek etken. Tuńǵysh balalary qazaq jerinde dúnıege keldi.
«Oblys ákimi S.Trumov jerlesterine jankúıer bolyp, jeńisine qýanǵan Mańǵystaý jurtshylyǵynyń atynan Alberttiń ata-anasyna quttyqtaý joldaǵan bolatyn. Albert bokstan altyn alǵan jalǵyz reseılik sportshy bolǵandyqtan kúnde joǵary deńgeıdegi kezdesý, qabyldaýlarǵa qatysýda. Ýaqytynyń tyǵyzdyǵyna qaramastan búgin ol mańǵystaýlyqtardyń jyly lebizine qýanyp, alǵysyn beınejazba arqyly joldap jiberipti»,– delingen habarlamada.
Vıdeoda sportshy senim artyp, jankúıer bolǵan tileýlesterine raqmetin aıtty.
«Adyrna» ulttyq portaly
