Bügın el täuelsızdıgınıŋ 30 jyldyǧyna orai Aqtau qalasynda "Jastar" studiiasy aşyldy dep habarlaidy "Adyrna" ūlttyq portaly.
Maŋǧystau oblysy äkımınıŋ baspasöz qyzmetı mälımdegendei, jaŋa studiia oblystyq jastar resurstyq ortalyǧynda ornalasqan. Studiianyŋ alǧaşqy qonaǧy bolǧan oblys äkımı Serıkbai Trūmov maŋǧystaulyq jastardy merekelermen qūttyqtap, studiia jürgızuşısınıŋ sūraqtaryna jauap berdı.
"Bügın erekşe kün, jalyndaǧan jastarymyzdyŋ merekesı. Barşa maŋǧystaulyq jastardy osynau aituly merekemen qūttyqtaimyn! Bügıngı aşylyp jatqan «Jastar» studiiasynyŋ qadamy qūtty bolsyn! El ümıtın – er aqtar. Sözsız, bügıngı jaŋa buyn jas talap küş-qairaty boiynda bar kezde elı, ūlty üşın qyzmet jasauǧa mındettı. Öz Otanyn älemnıŋ eŋ damyǧan elderınıŋ qataryna qosu – bılıktı de sanaly ūrpaqtyŋ qolynda",- dedı oblys äkımı.
Jaŋa studiia bırneşe taqyryptyq qabyrǧalarǧa bölıngen. Būl ortalyqta jastar türlı taqyrypta foto jäne video önımderın jasai alady.
Sondai-aq QR Täuelsızdıgınıŋ 30 jyldyǧy qarsaŋynda «Maŋǧystau jastary» internet portaly ıske qosyldy. Būl portal jastar saiasaty salasyndaǧy atqarylyp jatqan şaralar turaly aqparat aluǧa, avtorlyq jobalarmen nemese jaŋalyqtarmen bölısuge, volonterlyq toptar men jastar ūiymdaryna müşelıkke ötuge mümkındık beredı.
Bügınde oblysta 14-29 jas aralyǧyndaǧy 150 myŋnan astam jas bar. Ol oblys halqynyŋ 21%-yn qūraidy. "Eŋbek" memlekettık baǧdarlamasy aiasynda "Bastau biznes" jobasy boiynşa öz ısın bastauǧa 240 jas grant jäne 35 jas şaǧyn nesie aldy.
Sonymen bırge "Diplommen auylǧa" baǧdarlamasy boiynşa auyldarǧa eŋbek etuge barǧan 250 mamanǧa bır jolǧy köterme järdemaqy berıldı. Sondai-aq, 124 mamanǧa jeŋıldetılgen tūrǧyn üi nesiesı ūsynyldy.
Biyl "Jūmyspen qamtu jäne jappai käsıpkerlıktı damytudyŋ 2017-2021 jyldarǧa arnalǧan" baǧdarlamasy aiasynda 6434 jas jūmysqa ornalastyryldy. 2021-2022 oqu jylyna oblys äkımınıŋ 175 granty taǧaiyndaldy.
Aimaqta 50-ge juyq volonterlık toptar men qaiyrymdylyq ūiymdary bar, olardyŋ qatarynda 3 myŋǧa juyq erıktı qyzmet etedı.
Maŋǧystau oblysynyŋ volonterler korpusy pandemiia kezınde oblys tūrǧyndaryna koronavirustan qorǧanu, tötenşe jaǧdai rejimındegı qauıpsızdık şaralaryn saqtau, karantinde qiyn jaǧdaiǧa tap bolǧan äleumettık jaǧynan osal toptaǧy azamattarǧa qoldau körsetu baǧytynda auqymdy jūmys atqaryp keledı.
"Adyrna" ūlttyq portaly.
