Biyl Aqtöbe oblysynda ūiymdastyrylǧan "Baqytty Bala-2021" baiqauyna jetı elden jas daryndar kelgen. Oblys äkımı Oŋdasyn Orazalin «Baqytty Bala» III balalar vokaldyq baiqauynyŋ qazylar alqasymen jäne qūrmettı qonaqtarymen kezdestı dep habarlaidy "Adyrna" ūlttyq portalynyŋ tılşısı.
Olardyŋ qatarynda Bolgariia, Özbekstan jäne Qazaqstan ökılderı - Nikolai Tekeliev, Silviia Andrianalarimanga, Marat Äitımov, Svetlana men Qanat Aitbaevtar, Klara Tölenbaeva, Ruhiia Baidükenova jäne t.b. bar.
— Sızderdı Aqtöbe jerınde körgenıme quanyştymyn. "Baqytty Bala" baiqauy ädemı dästürge ainaldy. Ökınışke qarai, şekteulerge, qabattasqan pandemiiaǧa bailanysty byltyr baiqau ötken joq. Alaida, biyl köpşılık pen mädeniet salasyndaǧy şyǧarmaşylyq qairatkerlerınıŋ sūrauymen şarany ūiymdastyramyz dep şeştık, — dedı oblys äkımı.
Äŋgımelesu kezınde qatysuşylar men qazylar alqasy baiqaudyŋ ūiymdastyryluy men ötkızıluı joǧary deŋgeide ekenın atap öttı.
— Bärı öte tüsınıktı, ädemı jäne ūqypty ūiymdastyrylǧan. Oblys äkımdıgınıŋ būl şaraǧa belsendı ärı tıkelei qatysyp otyrǧanyna taŋǧalyp otyrmyn, sol üşın sızge bölek alǧys aitamyn. Öitkenı Bolgariiada memlekettık organdar mädeni şaralardy ūiymdastyruǧa köp qatysa bermeidı,- dedı qazylar alqasynyŋ müşesı, estetika doktory Nikolai Tekeliev.
Qazylar alqasy qatysuşylardyŋ da deŋgeilerı joǧary ekenın moiyndady.
Aita ketu kerek, "Baqytty Bala" estradalyq änder baiqauy alǧaş ret 2018 jyly öttı. Osy jyly negızgı baiqaudan Gresiia, Bolgariia, Äzırbaijan, Ukraina, Resei, Polşa jäne Qazaqstannnyŋ türlı öŋırınen kelgen 10-16 jas aralyǧyndaǧy daryndy jastar öttı. Olardyŋ bärı de 200 ümıtker qatysqan distansiialyq ırıkteuden ötken.
***
Sonymen jas önerpazdardyŋ jūldyzyn jaqqan "Baqytty Bala" festivalınıŋ biylǧy jeŋımpazy tarazdyq
Ailun Zauşeva boldy. Ol 1 mln teŋgenıŋ sertifikatyn ielendı. Jüldelı I oryndy elımızdıŋ astanasy — Nūr-Sūltannan kelgen jas önerpaz Adel Kunadilova men bolgariialyq Elizabet Saharieva aldy.
"Baqytty Bala — 2021" festivalınde eŋ köp kütılgen marapattardyŋ bırı Dimaş Qūdaibergennıŋ arnaiy syilyǧy boldy. Nūr-Sūltan qalasynyŋ tūrǧyny Adel Kunadilova şetelde ötetın Dimaş Qūdaibergennıŋ konsertıne qatysyp, bırge öner körsetu mümkındıgıne ie boldy.
Sonymen qatar diplomant atanǧan 11 önerpazǧa 100 myŋ teŋgeden aqşalai syilyq tabystaldy.
Aita ketu kerek, atalǧan baiqauda barlyq sanitarlyq talaptar qataŋ saqtaldy.
"Adyrna" ūlttyq portaly.
