AQŞ prezidentı Djo Baiden Auǧanstandaǧy AQŞ äskerlerı kezınde AQŞ-qa jūmys ıstegen auǧandyqtar men özderınıŋ elşılıktegı azamattaryn tolyq evakuasiialanǧanşa Auǧan jerınde bolatynyn mälımdedı.
Qazır Taliban resmi bilıkke otyrdy. Şyny kerek, Auǧanstan halqy da, bilıgı de Tabibannyŋ aldynda qauqarsyz küide qaldy. 20 jyl boiy qaqtyǧysqa tüsken Talibannyŋ bırlıgı myqty emes dep aita almaisyŋ.
Qazır NATO-nyŋ qūramyndaǧy Kanada, Ūlybritaniia siiaqty elder auǧandyq bosqyndardy myŋdap qabyldauǧa şeşım jasady. Bıraq äzırge reisterdıŋ tasymaly bastalǧan joq.
Aq Üiden resmi mälımdeme jasaǧan Baiden "Auǧan halqynyŋ Taliban jasaqtarymen soǧysuǧa yqylasy bolmady, soŋyna deiın kürese almady. Bız olarǧa qoldan kelgen kömektıŋ barlyǧyn da jasadyq" dedı.
AQŞ 20 jyl boiy Auǧanstanda Taliban qozǧalysyna qarsy soǧysta auǧandyqtarǧa kömek üşın 80 milliard dollardan astam qarajat şyǧyndaǧan. Bıraq, Djo Baidennıŋ aituynşa, auǧandyqtar AQŞ-tyŋ ümıtın aqtamady. Aq Üi mūnyŋ basty sebebın Auǧan bilıgındegı tamyrlap ketken jemqorlyqpen tıkelei bailanystyrdy.
Bekbolat QARJAN,
"Adyrna" ūlttyq portaly
