Auǧanstannan Qazaqstan azamattary evakuasiialandy, dep habarlaidy "Adyrna" ūlttyq portaly Sputnik Qazaqstanǧa sılteme jasap.
Qorǧanys ministrlıgınıŋ baspasöz qyzmetınıŋ habarlauynşa, 42 adam mıngen ūşaq Almatyǧa qondy.
"18 tamyz saǧat 17.00-de Qazaqstannyŋ äskeri äue küşterı S-295 äskeri-kölık ūşaǧy Auǧanstannan evakuasiialanǧan 42 jolauşymen Almatyǧa qondy. 25 Qazaqstan azamaty, onyŋ ışınde 15 eresek adam jäne 10 bala, sondai-aq Qazaqstan elşılıgınıŋ qyzmetkerlerı keldı ", - delıngen aqparatta.Sonymen qatar äskeri ūşaqpen Qyrǧyz tarapynyŋ ötınışı boiynşa Qyrǧyz Respublikasynyŋ 14 azamaty evakuasiialandy. Gumanitarlyq operasiia retınde osy ūşaqpen Qazaqstan elşılıgıne kömek sūrap jügıngen 1 Resei azamaty men 1 Litva azamaty Auǧanstannan şyǧaryldy. Būl aqparatty syrtqy ıster ministrlıgınıŋ resmi ökılı Aibek Smadiiarov rastady.
"Bırneşe kün būryn Auǧanstan aumaǧynda Qazaqstan azamattary joq dep mälımdeme jasaǧan edık. Sebebı ol kezde bız bıletın adamdardyŋ bärı şyǧyp ketken. Alaida ekı-üş künnıŋ ışınde elşılıkke bır top azamat kelıp, elge oraluǧa ötınış bıldırdı. Qazaqstandyq qūjattaryn körsettı. Bügın ǧana osy jarty saǧattai būryn Almaty äuejaiyna qorǧanys ministrlıgınıŋ arnaiy ūşaǧy qondy. Onymen Qazaqstannyŋ 25 azamaty elge jetkızıldı", - dedı Smadiiarov arnaiy brifingte.
