Üşınşı megapoliste qala äkımdıgı men Qazaqstan mūsylmandary dıni basqarmasynyŋ Şymkent qalasy boiynşa ökıldıgınıŋ ūiytqy boluymen «Mektepke jol» aksiiasy öttı.
Qaiyrymdylyq şarasy El Täuelsızdıgınıŋ 30 jyldyǧy jäne «Qaiyrymdy ıster» marafony jobasy aiasynda ūiymdastyryldy.
Aqmeşıt ortalyq meşıtınde ötken aksiiada 1000-ǧa juyq mektep oquşysyna oquǧa qajettı qūral-jabdyqtar tabys etıldı.
-Otbasyndaǧy bırneşe balany mektepke daiyndau, ata-anaǧa salmaq tüsıretını anyq. Mūndai jaǧdaida äke-şeşe barlyq balasyn jaŋa oqu jylyna tolyq daiyndai almaidy. Osy oraida äleumettık kömekke mūqtaj az qamtylǧan otbasylar, jetım balalar, ata-anasynyŋ qamqorlyǧynsyz qalǧan jetkınşekterge köp bolyp, kömektesu igılıktı ıs. Indet jaǧdaiyna bailanysty sömkeler men oquǧa qajettı oqu qūraldary üilerıne jetkızıledı. İgı şarany «Zeket» qaiyrymdylyq qory jäne erıktıler atqarady,-dedı qalanyŋ bas imamy Baǧdäulet qajy Abdrahmanov.
Aita keteiık, «Mektepke jol» aksiiasy Abai, Äl-Farabi, Eŋbekşı jäne Qaratau audandyq meşıtterınde jalǧasyn tabatyn bolady.
Qūttybike NŪRǦABYL
