Memleket basşysynyŋ balalar men jasöspırımderge arnalǧan şyǧarmaşylyq jäne sport tapsyrysynyŋ jan basyna qarjylandyru boiynşa bergen tapsyrmasynyŋ negızınde jäne Täuelsızdıktıŋ 30 jyldyǧy aiasynda Şymkent qalasynda bırqatar jūmystar atqaryluda.
Osy baǧyttaǧy jūmystardyŋ barysymen tanysu maqsatynda bügın qala äkımı Mūrat Äitenov şyǧarmaşylyq tapsyrysty jan basyna qarjylandyru jobasyna qatysyp otyrǧan JK «Makaşev» üiırmesıne bardy.
Atalǧan şyǧarmaşylyq üiırme Qaratau audanyna qarasty «Nūrtas» şaǧyn audanynda ornalasqan. Būl üiırmege bügınde ūlttyq bi men halyq biı boiynşa jalpy 100 ötınım kelıp tüsken.
Qala äkımı būl jaŋaşyldyq balalarǧa kez kelgen üiırmege baruyna qoljetımdı etetının atap öttı. Eŋ bastysy ata-analarǧa qarjylyq jaǧynan auyrtpalyq tüspeidı. Endı būl tölemaqy memleket qazynasynan bölınetının jetkızdı.
Şymkent qalasy äkımdıgınıŋ baspasöz qyzmetı
