Resei BAQ-tary "Qazaqstandaǧy ūltşyldyq" degen oidan şyǧarylǧan taqyrypty qozdyryp älek. Olar tıptı Qazaqstan bilıgınde Reseige qarsy äreket etetın ūltşyldar toby bar dep jazuda. Būl turaly mk.ru saityna sılteme jasap, "Adyrna" ūlttyq portaly habarlaidy.
Deputat Berık Äbdıǧaliūlynyŋ Saiasi quǧyn-sürgın qūrbandaryn aqtau turaly komissiiany basqaruy men Türkıstan legionyndaǧy qazaqtardy aqtauǧa qatysty ūsynysyn asqynǧan ūltşyldyqtyŋ körınısı dep tauypty. Olar Berıktıŋ Äbdıǧaliūlynyŋ būl bastamalaryn AQŞta bılım alyp, Ukraianadaǧy qala merınıŋ keŋesşısı boluymen bailanysty deidı.
Kelesı bır kezekte ūltşyl retınde Ukrainadaǧy elşı Darhan Kaletaevty jazady. Kaletaevtyŋ elden tituldy emes ūlt ökılderınıŋ qonys audaruyna qatysty pıkırı reseilık BAQ-qa jaqpai qalypty. 2020 qazaq azamattarynyŋ Mihail Saakaşvilimen kezdesuın däl osy azamat ūiymdastyrǧan dep mälımdeidı.
Ūltşyldar tızımıne olar Erlan Qarindı de qosqan. Qarindı türık ūltşyldarynyŋ közqarasyn qoldaidy dese, "Aq jol" partiiasynyŋ basşysy Azat Peruaşevtı Qazaqstandaǧy Keŋestık bilık qasaqana ūiymdastyrǧan aştyqty "genosid dep moiyndauǧa şaqyruyn" synapty.
Sondai-aq olar ūltşyldar tızımıne Aidos Sarym, Dos Köşım, Arman Şoraev, Rasul Jūmalyny da qosqan.
"Adyrna" ūlttyq portaly
