Memleket basşysynyŋ būqaralyq sportty damytu, balalarǧa sporttyq infraqūrylymnyŋ barynşa qoljetımdı boluyn qamtamasyz etu tapsyrmasyna säikes Şymkent qalasynda ekı bırdei zamanaui aşyq sport alaŋşasy el igılıgıne berıldı.
Onyŋ bırı Abai audany, Samal 3 şaǧyn audany Izgılık jäne Iýsupov köşesınıŋ qiylysynda ornalasqan bolsa, ekınşısı Eŋbekşı audany, Qarabastau tūrǧyn alabynda aşyldy. Qos bırdei sport nysandarynyŋ aşylu räsımıne Şymkent qalasynyŋ äkımı Mūrat Äitenov qatysty. Qala basşysy būqaralyq sportty damytudyŋ negızınde sau ärı sanaly ūrpaqty, myqty ūltty qalyptastyratynymyzdy aityp öttı. Sonymen bırge barşa qala tūrǧyndaryn salauatty ömır saltyn ūstanuǧa şaqyrdy. Köp funksionaldy sport alaŋşalyrynyŋ ekeuıde jeke käsıpker «Eurasian Resources Group» JŞS-nıŋ jeke qory esebınen salyndy. Sport alaŋşalarynyŋ qūrylysyna 13-14,5 mln teŋge kölemınde qarjy jūmsalǧan. Qūrylysyn jürgızgen merdıger mekeme «Ferroteks» JŞS-gı. Jalpy audany 324 şarşy metrdı qūraityn būl nysanda sporttyq jabdyqtarmen jäne dene şynyqtyruǧa arnalǧan qondyrǧylarmen jabdyqtalǧan. Mūnda sporttyŋ voleibol, basketbol futbol türımen jäne strit vorkautpen ainalysuǧa bolady.
Būqaralyq sportty damytu boiynşa atqarylǧan jūmystar jaiyn aityp ötken Abai audan äkımı B.Parmanov 2014 jyldan berı audanda jalpy 222 aula abattandyrylyp, 58 sport alaŋşasy salynǧanyn jetkızdı.
Sonymen qatar, Abai audanynda qala äkımınıŋ tūrǧyndardyŋ būqaralyq sportpen ainalysuy men qolaily ömır süruıne jaǧdai jasau turaly bergen tapsyrmasyna säikes osy jyly balalar jäne sport alaŋşalaryn ornatu jūmystaryna 1 mlrd 389 mln.teŋge qarjy bölıngen. Būl qarjylar 21 köpqabatty tūrǧyn üi aulalaryn abattandyruǧa, 12 sport alaŋşalaryn aǧymdaǧy jöndeuge, 35 sport alaŋşalaryn ornatuǧa jūmsalady. Sonymen qatar, audanda «Şymkent qaiyrymdy qala» qory arqyly demeuşılık esebınen 4 sport alaŋşasy ornatylǧan. Sport alaŋşasyn tanystyru barysynda Eŋbekşı audanynyŋ äkımı D.Esılbek 2011-2020 jyldar aralyǧynda audan aumaǧynda 85 alaŋşa qūrylǧanyn jäne osy jyly 15 sport alaŋşasyn qūru josparlanyp jatqanyn baiandady.
Qarabastau tūrǧyn alabynda 8932 halyq tūrady. Onyŋ ışınde jalpy balalar sany 3370.
Şymkent qalasynyŋ äkımdıgı
