Almaty qalasy Alatau audany äkımdıgınıŋ küzetşısı audan basşysynan sūhbat almaq bolǧan «Habar 24» arnasynyŋ tılşısı Aqböpe Täŋırbergendı ǧimarattan küştep şyǧarǧan. Būl turaly jurnalist äleumettık jelıdegı paraqşasynda jazdy, dep habarlaidy «Adyrna» tılşısı.
«Sen - Äkımdık pen Halyq arasyndaǧy köpırsıŋ»,-dedıŋızder. Men jelpıldep jetıp bardym. Äkımdık bolsa sızderdıŋ köpırlerıŋızdı dalaǧa laqtyryp jıberdı. Bıttı. Almaty qalasy Alatau audanyndaǧy äkımdıkten mäŋgı estelık»,– dep jazdy ol.Bolǧan oqiǧaǧa Aqparat jäne qoǧamdyq damu ministrı de bei-jai qaramady. Aida Balaeva kınälı tūlǧalardy jauapqa tartu kerektıgın atap öttı.
«Özderıŋızge mälım, Almaty qalasy, Alatau audany äkımdıgı qyzmetkerınıŋ jurnalist Aqböpe Täŋırbergenge küş qoldanǧan terıs äreketı internet jelısınde qyzu talqylanyp jatyr. Audandyq äkımdıktıŋ jauapty tūlǧalarynyŋ būǧan qatysty eş şara qoldanbauy mäselenı tıptı de uşyqtyryp otyr. Būl ärine öte ökınıştı jäne bızdıŋ bügıngı “estitın memleket”, “aşyq äkımdık” qaǧidalaryna qaişy keletın jaǧdai. Jurnalisterdıŋ qūqyǧyn būzuǧa, olardyŋ resmi jūmysyna kedergı keltırıp, küş körsetuge eşqaşan jol berılmeuı kerek. Būl jaǧdaiǧa qatysty, Almaty qalasy äkımdıgınıŋ basşylyǧy qyzmettık tekseru jürgızıp, tiıstı şaralar qabyldauy qajet dep sanaimyn. Kınälı tūlǧalar jauapqa tartyluy tiıs. Aldaǧy uaqytta qai jerde bolmasyn, BAQ ökılderıne qatysty būndai keleŋsız jaǧdailarǧa jol berılmeuı qajet»,– dedı ministr. https://youtu.be/pul9CfpWTlE
«Adyrna» ūlttyq portaly
