Resei AQŞ sarbazdaryn Ortalyq Aziiada körgısı kelmeidı. Būl turaly Reseidıŋ Syrtqy ıster ministrı Sergei Lavrov mälımdedı, dep habarlaidy «Adyrna» tılşısı RİA Novostige sılteme jasap.
"Wall Street Journal Resei amerikalyq sarbazdardy Ortalyq Aziiada körgısı kele me dep sūrady. Joq. Bırınşıden, bızde ortaq qauıpsızdık keŋıstıgı bar jäne būl keŋıstıkte öz mındetterımız bar. Men ūjymdyq qauıpsızdık turaly kelısım ūiymyn meŋzep otyrmyn. Ol barlyq odaqtastardyŋ öz aumaǧynda şeteldık qaruly küşterdıŋ qozǧalysyna qatysty mäseleler boiynşa kelısımın qamtamasyz etedı»,— dedı Lavrov baspasöz mäslihatynda.Onyŋ aituynşa, amerikalyqtar qajet bolǧan jaǧdaida Auǧanstan aumaǧyna soqqy bere aluy üşın būl elden şyǧyp, infraqūrylymy men qaru -jaraqtarynyŋ bır bölıgın, sondai-aq äskeri qyzmetkerlerın körşı memleketterdıŋ aumaǧyna ornalastyrudy közdegen.
«Amerikalyqtardyŋ öz bastamalaryn qanaǧattandyruy üşın qandai da bır el osyndai nysanaǧa ainaluǧa müddelı ekenıne kümänmen qaraimyn»,- dep sözın tolyqtyrdy ministr.Aita keteiık, būǧan deiın "Taliban" qozǧalysynyŋ sodyrlary AQŞ azamattary Auǧanstannan 31 tamyzǧa deiın ketuı kerek dep mälımdegen edı.
«Adyrna» ūlttyq portaly
