Qazaqstanda äskeri qyzmetşılerdı azyq-tülıkpen qamtamasyz etu normalary qaita qaraldy. Endı mäzırde jylqy etı, tüie etı, balyq jäne dästürlı susyndar paida bolady.
"Äskeri qyzmetşılerdıŋ tamaqtanuyn odan ärı jaqsartu üşın Qazaq taǧamtanu akademiiasymen bırge ūlttyq taǧamdardyŋ erekşelıkterın eskere otyryp, äskeri qyzmetşılerdıŋ tamaqtanu rasionyn jaqsartu boiynşa jūmystar jürgızılude. Äskeri qyzmetşılerdıŋ rasionyna jylqy, qoi, tüie, üirek, qaz etı jäne är türlı balyq türlerın qosymşa engızu josparlanuda. Sonymen qatar qūrt, qymyz ben şūbatty engızu josparlanuda", - dedı QR Qaruly Küşterı Bas ştaby Ūiymdastyru-jūmyldyru jūmysy departamentınıŋ aǧa ofiserı Ruslan Tapaşev.
2020 jyly Qorǧanys ministrlıgı äskeri qyzmetşılerge berıletın azyq-tülık qūnyn 40%-ǧa arttyrdy. Al sarbazdardyŋ tamaqtanuyn ūiymdastyru boiynşa qyzmetter autsorsingke berıldı.
"Adyrna" ūlttyq portaly
