Şymkent qalasy äkımınıŋ bırınşı orynbasary Şyŋǧys Mūqannyŋ qatysuymen Äl-Farabi ǧylymi-ämbebap kıtaphanasynda «Täuelsız Qazaqstan: Jasampazdyqqa toly jyldar. Şymkent qalasynyŋ basty jetıstıkterı» taqyrybynda döŋgelek üstel öttı.
Basqosuǧa «Nur Otan» partiiasy Şymkent qalalyq filialy töraǧasynyŋ orynbasary Mūratälı Qalmūratov, jazuşy, jurnalist, qoǧam qairatkerı Marhabat Baiǧūt, M. Äuezov atyndaǧy OQU prorektory Säken Mäjinbekov, qalalyq mäslihattyŋ deputaty Räşkül Ospanälieva, «Azamattyq Alians» QB töraǧasy Jūmaǧali Bilisbekov, «Şymkent kelbetı», «Panorama Şymkenta» gazetterınıŋ bas redaktory Baqtiiar Taijan, QR Jurnalister Odaǧy Şymkent qalalyq filialynyŋ töraǧasy, «Oŋtüstık» telearnasynyŋ direktory Uäli Qydyrov, «Qaratau dästürlı öner» mektebınıŋ direktory Bırjan Baituov, «Dustlik» özbek etnomädeni bırlestıkterı qauymdastyǧynyŋ töraǧasy İkramjan Haşimjanov, Tokio Olimpiadasynyŋ qola jüldegerı Darhan Asadılov, «Ruhani jaŋǧyru» öŋırlık jobalyq keŋsesınıŋ meŋgeruşısı Zäure Oralbaeva qatysty.
Alqaly jiynda söz alǧan Şyŋǧys Jūmabekūly Qazaqstannyŋ soŋǧy üş onjyldyqtaǧy memlekettık qūrylystaǧy tarihi serpılısınıŋ, ärtaraptandyrylǧan naryqtyq ekonomikany qūruda üşınşı megapolistıŋ alar orny erekşe ekenın jetkızdı. Qala halqynyŋ 52 paiyzy egemendık alǧan 30 jyldyŋ ışınde düniege kelgenın jäne şahar tūrǧyndarynyŋ ortaşa jasy 28-dı qūraǧanyn aitty. Sondai-aq, aituly jyldy şaharda keŋ kölemde merekeleu barysyn atap öttı.
– Egemendık alǧaly elımızde köptegen auqymdy jobalar atqarylyp, sonyŋ jemısın körıp kelemız. Osy jetıstıkterdıŋ ışınde Şymkent qalasy men jūrtşylyǧynyŋ alatyn ülesı edäuır. Täuelsızdıktıŋ 30 jyldyǧyn keŋ kölemde qamtu maqsatynda basqarmalar men audan äkımdıkterınen ūsynystar jinaqtalyp, är aiǧa arnaiy ataular berılgen. Būl rette biyl bırınşı jartyjyldyqta qala boiynşa Täuelsızdıgımızdı ūlyqtaǧan 175 ıs-şara ötkızıldı. Onyŋ ışınde respublikalyq 74 auqymdy ıs-şaraǧa 45 myŋnan astam adamdy qamtyldy. Būl jūmystar älı de öz jalǧasyn tabatyny sözsız, - dedı Şyŋǧys Mūqan.
Döŋgelek üstel barysynda qatysuşylar Täuelsızdıktıŋ 30 jyldyǧy aiasynda Şymşaharda atqarylǧan jūmystar men jetken jetıstıkterdı talqylady. Sonymen qatar, «Tuǧan qala» atty beineroliktı tamaşalady.
A.JÄDIGERŪLY
