Qazırgı uaqytta törtkül dünienıŋ nazary Auǧanstanda. Alǧaş ret halyqaralyq deŋgeide terrorlyq ūiym dep tabylǧan laŋkestık qozǧalys bır eldı tūtas jaulap aldy. Būl Ortalyq Aziia memleketterın alaŋdatyp otyr.
Öitkenı Auǧanstan Ortalyq Aziiamen şekarasy bar, Özbekstan, Türkımenstan, Täjıkstanmen tıkelei şekaralas aimaq bolyp tabylady. Sondyqtan terrorlyq qauıptıŋ aimaqqa ötuıne bızdıŋ qauıpsızdık küşterı daiyn ba degen maŋyzdy saual är qazaqstandyqtıŋ kökeiınde jürgenı anyq. Sondyqtan bız, «Adyrna» ūlttyq portaly Qazaqstan Respublikasynyŋ qorǧanys ministrlıgıne «Qazaqstan bilıgı Auǧanstandaǧy jaǧdaidy mūqiiat qarap otyr. Bızdıŋ äskeri äleuet Auǧanstandaǧy jaǧdaiǧa qarap, laŋkestık ūiym dep tabylǧan qozǧalystan tūtas eldıŋ äskerı jeŋılıs tapqanyna analiz jasau, qatelıkterın saralau jäne sol boiynşa äskeri daiyndyq jasau jolyn jürgızude me?» degen sūraq joldadyq. Ministrlık uädelı uaqytta öz jauabyn berdı. Ministrlıktıŋ jauabyn özgertpesten berıp otyrmyz
«Adyrna» ūlttyq portaly atynan joldanǧan sūrau saual Qazaqstan Respublikasynyŋ Qorǧanys ministrlıgınde qaraldy, qarau nätijelerı boiynşa mynany habarlaimyz.
Auǧanstan İslam Respublikasyndaǧy ahualdyŋ şielenısuıne bailanysty Qaruly Küşterde qyraǧylyqty küşeitu boiynşa şaralar qabyldandy. Eŋ aldymen būl arnaiy operasiialar küşterınıŋ bölımşelerıne, maidan jäne äskeri-kölık aviasiiasyna, äue şabuylyna qarsy qorǧanysqa qatysty bolyp otyr.
Öŋırdegı jaǧdaidy qadaǧalau jäne taldau, küşter men qūraldardyŋ täulıktık kezekşılıgın ūiymdastyru boiynşa mındetter jäne joǧary qyraǧylyqty qamtamasyz etu maqsatynda äskeri qyzmetşılerdıŋ kezekşılık atqaruy boiynşa jüktemenı bırdei bölu qajettılıgı ataluda.
Qaruly Küşterde qyraǧylyqty küşeitu şeŋberınde mynadai ıs-şaralar jürgızılude:
- daǧdarystyq jaǧdailar tuyndaǧan kezde kezekşı küşter men qūraldardyŋ ıs-qimyldary tärtıbı naqtylandy jäne jattyǧular ötkızıldı;
- yqtimal bırlesken ıs-qimyldardy ūiymdastyru boiynşa memlekettık organdarmen, basqa da äskerlermen jäne äskeri qūralymdarmen özara ıs-qimyl ūiymdastyryldy;
- äue keŋıstıgın qorǧau boiynşa qyzmet atqaratyn kezekşı küşter men äue şabuylyna qarsy qorǧanys jäne maidandyq aviasiia qūraldarynyŋ qūramy ūlǧaityldy;
- äskeri nysandardyŋ diversiiaǧa qarsy qauıpsızdıgı küşeitıldı, qoimalar men arsenaldardy küzetu üşın qosymşa jasaqtar bölındı;
- arnaiy operasiialar jäne äskeri-kölık aviasiiasy küşterınıŋ bölımşelerı küşeitılgen jūmys rejimıne köşırıldı;
- Qaruly Küşterdıŋ memlekettık şekarany qorǧaudy küşeitu jönındegı ıs-qimyl josparlary naqtylandy” deidı ministrlık ökılderı.
Ministrlık jauabynan tüsıngenımızdei, elımızdıŋ qorǧanys küşterı barlyq qauıpke saqadai sai. Äue, jer jäne teŋız deigeiınde eldıŋ tūtastyǧy men tynyştyǧyn qorǧauǧa daiyn. Auǧanstannan tönuı mümkın qauıptıŋ aldyn alu maŋyzdy. Sebebı auǧan qyr astynda bolsa da, aramyzda buferlı aimaq retınde özge elder tūrsa da, odan tönetın qauıp azaiyp, seiılmeidı. Atap aitqanda laŋkesterden bas sauǧalap qaşqan nöpır halyqtyŋ sany myŋdaǧan adamdy qūraidy. Aldaǧy taŋda olardyŋ sany jüz myŋdaǧan, tıptı milliondaǧan boluy mümkın. Bosqan beibıt halyqtyŋ ışınde qoi terısın jamylǧan jat aǧymnyŋ sodyrlary da enıp ketpesıne kepıldık joq. Sondyqtan Qazaqstan qaruly küşterı qyrǧidai qyraǧylyq tanytuda. Äsırese şekaralyq aimaqtyŋ küzetı küşeitılıp, qorǧanysy myǧymdalǧan.
Odan bölek Auǧanstannan esırtkı tasymaldau trafigı de eselep artuy mümkın. Öitkenı laŋkestık ūiymdardyŋ basty qarjy közı zaŋsyz qaru satu men esırtkı saudasy. Auǧanstan-Ortalyq Aziia – Resei – Europa marşrutyn jauyp tastau maqsatynda qorǧanys küşterı men ūlttyq qauıpsızdık sarbazdary arnaiy jattyǧu ötkızıp, qorǧanysty küşeitken. Laŋkestık ūiym tarapynan tönuı mümkın ideologiialyq qauıpke de qarsy tūru jūmystary jasaluda. Jat aǧymnyŋ jeŋısı men laŋkesterdıŋ üstem bolǧanyn körgen radikaldyq közqarastaǧy azamattardyŋ şalys basyp, el tynyştyǧyn būzuǧa tyrysu äreketterı bolmau üşın ideologiialyq keŋıstıkte ülken jūmystar atqarylyp jatyr. Sondyqtan aumaǧy alyp Alaş elınıŋ tynyştyǧyn qasqyr jürek qazaq sarbazdary qaşanda janyn salyp qorǧauǧa äzır ekenın aituǧa tiıspız.
"Adyrna" ūlttyq portaly
