Täjıkstannyŋ oŋtüstıgındegı Kuliab qalasynyŋ bır top jastary Auǧanstannyŋ Pandjşirdegı Talibanǧa qarsy qarsylyqqa öz erkımen qosyluǧa niet bıldırdı. Jastardyŋ Täjıkstan bilıgıne ündeuı äleumettık jelıde qyzu talqy tuyndatuda.
Kuliabtyq jastar Täjıkstan basşylyǧyna aty aŋyzǧa ainalǧan dala qolbasşysy Ahmad Şah Masudtyŋ ūly Ahmad Masud basqaratyn qarsylyq küşterıne kömektesu üşın Pandjşerge baruǧa rūqsat beru turaly ötınışpen jügındı. Pandjşerge barǧysy keletın kuliabtyqtardyŋ sany 2 myŋ adamnan asady.
Täjık bilıgı Kuliab jastary tobynyŋ mälımdemesıne eşqandai reaksiia bıldırmedı. Täjıkstannyŋ Demokratiialyq partiiasy 20 tamyzdaǧy mälımdemesınde Auǧanstanda bolyp jatqan oqiǧalardy «osy eldıŋ puştun emes halyqtaryna qarsy tälıbterdıŋ genosidı» dep atady jäne Täjıkstan ükımetın osy eldıŋ diplomatiialyq ökıldıkterın jabuǧa şaqyrdy. Demokrattar sonymen qatar «auǧan bosqyndarynyŋ uaqytşa tūruyna jaǧdai jasauǧa, olarǧa gumanitarlyq kömek körsetuge jäne barlyq ükımettık qūrylymdarda būl talaptardyŋ oryndaluyn jıtı baqylauǧa» şaqyryp otyr.
Auǧanstan halqynyŋ beiresmi derekter boiynşa 35%-dan astamyn täjıkter qūraidy.
"Adyrna" ūlttyq portaly
