Aqparat jáne qoǵamdyq damý mınıstrligi Din isteri komıtetiniń tóraǵasy Erjan Núkejanov din salasyndaǵy zańdarǵa sáıkes "dinge senbeıtinderdiń quqyqtary" degen anyqtama engiziletinin málimdedi, dep habarlaıdy "Adyrna" ulttyq portalynyń tilshisi.
- Biz dindarlar men dinge senbeıtinderdiń de quqyqtaryn birdeı qamtamasyz etýdi kózdeımiz. Osyǵan baılanysty, biz álemdik tájirıbege súıene otyryp, "dinge senbeıtinderdiń quqyqtary " degen uǵymdy engizýdi josparlap otyrmyz. Mysaly, qazirgi ýaqytta bizde dinge senýshilerdiń quqyqtary bar, sol sııaqty biz dinge senbeıtinderdiń quqyqtaryn da shektemeýimiz tıis. Biz – zaıyrly memleketpiz. Dinge, konfessııaǵa, etnıkalyq qatystylyqqa qaramastan zańnyń ústemdigi bárinen joǵary, – dep habarlady Nýkejanov OKQ brıfınginde.
Sondaı-aq, onyń aıtýynsha, elimizde dinı ahýal turaqty. Aldaǵy ýaqytta din salasyndaǵy zańnamany jetildirý boıynsha taǵy birqatar ózgerister bolady dep josparlanýda.
- Bizdiń komıtet din salasyndaǵy zańnamany jetildirý boıynsha birqatar jumysty jalǵastyryp jatyr. Sonyń aıasynda biz dinı birlestikterdi tirkeýdi jáne dinı is - sharalardy ótkizý máselelerin ońaılatýdy kózdeıtin keıbir túzetýler engizýdi josparlap otyrmyz, – deıdi spıker.
Aıta keteıik, 2019 jyly Qazaqstanda dinge senbeıtin adamdardyń sany barlyq halyqtyń 18%-yn quraǵan. Al 75%-y ózderin dinge senetinderdiń qataryna jatqyzdy. Biraq, kóbisiniń dinı ádet-ǵurypty qatty saqtamaıtyny, dinı birlestikterge de kóp qatysa bermeıtini anyqtalǵan edi.
"Adyrna" ulttyq portaly