Memlekettik jáne jeke menshik mektepte hıdjab kııý zańǵa qaıshy. Bul týraly QR Bilim jáne ǵylym mınıstri Ashat Aımaǵambetov málimdedi, dep habarlaıdy "Adyrna" ulttyq portaly, "Qasqa jol" ıýtýb kanalyna silteme jasap.
- Endi, bizde zaıyrly memleket qoı. Jalpy zaıyrly memleket bolǵannan keıin dinı másele, basqa másele dep bóle almaımyz. Mekteptiń qabyldaǵan tıisti talaptary bar. Bilim mınıstriniń 2016 jylǵy 26-buıryǵy sheńberinde jumys isteýimiz kerek, - dedi A.Aımaǵambetov.
Mınıstr konstıtýııada Qazaqstannyń zaıyrly memleket ekenin eske saldy. Al mektepke baratyndardyń barlyǵy mindetti túrde Bilim jáne ǵylym mınıstriniń buıryǵyn, "Dinı qyzmet jáne dinı birlestikter týraly" zań men Konstıtýııany oryndaýy tıis ekenin aıtty.
- Másele dinı de emes, basqa da emes. Meıli qysqa ıýbka bolsyn, álde basqa bir bizdiń formaǵa sáıkes kelmeıtin atrıbýttar bolsyn, mektepke balalardy ondaı kıimmen kelýine ruqsat etilmeıdi.
- Sondyqtan, bul máseleni tek qana sol din jaqqa, álde basqa jaqqa keltirý durys emes dep oılaımyn. Óıtkeni, jalpy mektep formasynan basqa kıimmen kelýdiń ózi tártipke qaıshy keledi,- dep málimdedi Mınıstr.
Sóz sońynda QR Bilim jáne ǵylym mınıstri talap barlyǵyna birdeı ekendigine toqtaldy. Mektep formasyna qoıylatyn talaptar bar, memlekettik standart bar, bizdiń eldiń jeke menshik mektepteri bolsyn, memlekettik mektepteri bolsyn osy memleket talaptaryn jáne jalpy alǵanda elimizdiń barlyq zańdaryn oryndaýy tıis ekendigin atap ótti.
"Adyrna" ulttyq portaly
